ഇന്ത്യൻ അത്‌ലറ്റിക് ഫെഡറേഷൻ മെഡിക്കൽ കമ്മീഷൻ ചെയർമാൻ അരുൺ കുമാർ മെൻഡിരാറ്റ അന്തരിച്ചു. 60 വയസായിരുന്നു. കോവിഡ് ബാധിതനായ മെൻഡിരാറ്റ ചികിത്സയിലായിരുന്നു. ടോക്കിയോ ഒളിമ്പിക്സിൽ പങ്കെടുത്ത ഇന്ത്യൻ ടീമിന്റെ സിഎംഒ (ചീഫ് മെഡിക്കൽ ഓഫിസർ) ആയി അദ്ദേഹം ഈയടുത്തകാലത്ത് നിയമിതനായിരുന്നു.
ഒളിമ്പിക്സ് അസോസിയേഷനായിരുന്നു അരുൺ കുമാർ മെൻഡിരാറ്റയെ നിയമിച്ചിരുന്നത്. ഇന്ത്യൻ സ്പോർട്സുമായി നീണ്ട കരിയറിൽ വിവിധ ലോക ചാമ്പ്യൻഷിപ്പുകൾ, ഏഷ്യൻ ഗെയിംസ്, കോമൺ‌വെൽത്ത് ഗെയിംസ്, ഒളിമ്പിക്സ് എന്നിവയിൽ അദ്ദേഹം ഇന്ത്യൻ ടീമുകൾക്കൊപ്പം ഉണ്ടായിരുന്നു. ഏഷ്യൻ അത്‌ലറ്റിക് ഫെഡറേഷനുമായി ബന്ധപ്പെട്ട് 25 വർഷത്തോളമായി പ്രവർത്തിച്ചു വരികയാണ് അരുൺ കുമാർ മെൻഡിരാറ്റ.
Post Your Comments