കോഴിക്കോട്: എക്സിറ്റ് പോൾ ഫലത്തിൽ പ്രതികരണമറിയിച്ച് മുഖ്യമന്ത്രി പിണറായി വിജയൻറെ മകൾ വീണ വിജയൻ. സംസ്ഥാനത്ത് എല്‍.ഡി.എഫ് തുടര്‍ ഭരണമെന്ന എക്സിറ്റ് പോളുകള്‍ ശരിവെക്കുകയാണ് വീണ. ഇടതുപക്ഷ സര്‍ക്കാര്‍ നല്ല പ്രവര്‍ത്തനമാണ് കാഴ്ചവെച്ചിരിക്കുന്നതെന്നും മുഖ്യമന്ത്രിയുടെ ഭരണം മികച്ചതായിരുന്നുവെന്നും വീണ സ്വകാര്യ ചാനലിനോട് പറഞ്ഞു.
Also Read:കേരളത്തിലെ കോവിഡ് സ്ഥിതി അതീവ ഗുരുതരമെന്ന് ഹൈക്കോടതി
എക്സിറ്റ് പോളുകളില്‍ കണ്ടതുപോലെയുള്ള വിജയം ഇത്തവണ കേരളത്തിൽ ഉണ്ടാകുമെന്നാണ് വിശ്വാസമെന്നും അത് സാധ്യമാകുമെന്നും വീണ പറഞ്ഞു. ‘മന്ത്രി സ്ഥാനവും മറ്റുകാര്യങ്ങളും തെരഞ്ഞെടുപ്പിനു ശേഷം എല്‍.ഡി.എഫ് തീരുമാനിക്കും. മുഖ്യമന്ത്രിയുടെ ഭരണം മികച്ചതായിരുന്നു. മുഖ്യമന്ത്രിയാകുന്നതിന് മുമ്ബ് എതിര്‍ത്തവര്‍ക്കും ഇപ്പോള്‍ അച്ഛന്‍റ ഭരണമികവ് കാണാനും വിലയിരുത്താനും കഴിയുന്നുണ്ട്. മുമ്ബ് മാധ്യമവാര്‍ത്തകള്‍ വിശ്വസിച്ചുള്ള അഭിപ്രായമായിരുന്നെങ്കില്‍ ഇപ്പോള്‍ നേരിട്ട് മനസ്സിലാക്കാന്‍ അവര്‍ക്ക് സാധിക്കുന്നുണ്ട്” -വീണ പ്രതികരിച്ചു.
വീണയുടെ ഭര്‍ത്താവും ഡി.വൈ.എഫ്.ഐ ദേശീയ പ്രസിഡന്‍റുമായ പി.എ മുഹമ്മദ് റിയാസ് ഇക്കുറി ബേപ്പൂരില്‍ നിന്നാണ് ജനവിധി തേടുന്നത്. 2009 ലോക്സഭ തെരഞ്ഞെടുപ്പില്‍ കോഴിക്കോട് നിന്ന് പരാജയപ്പെട്ട ശേഷം റിയാസ് ഇതാദ്യമായാണ് ജനവിധി തേടുന്നത്. റിയാസിനും ഇത്തവണ വിജയിക്കാനാകുമെന്ന പ്രതീക്ഷയാണുള്ളത്.
Post Your Comments