നന്ദി​ഗ്രാമിൽ താൻ തന്നെ വിജയിക്കും, ആശങ്ക വേണ്ട; മമത ബാനർജി

കൊൽക്കത്ത: നന്ദി​ഗ്രാമിൽ വിജയമുറപ്പാണെന്ന് തൃണമൂൽ കോൺ​ഗ്രസ് നേതാവ് മമത ബാനർജി. നന്ദി​ഗ്രാമിൽ ബിജെപിയാണോ തൃണമൂൽ കോൺ​ഗ്രസാണോ വിജയത്തിലെത്തുന്നതെന്ന ചൂടേറിയ ചർച്ച പുരോ​ഗമിക്കുന്ന സാഹചര്യത്തിലാണ് വിജയമുറപ്പെന്ന മമതയുടെ വാക്കുകൾ. ഈ തെരഞ്ഞെടുപ്പിലെ വാശിയേറിയ പോരാട്ടങ്ങളിലൊന്നായിരുന്നു നന്ദി​ഗ്രാമിലേത്. സുവേന്ദു അധികാരിയാണ് നന്ദി​ഗ്രാമിൽ മമതക്കെതിരെ മത്സരിച്ചത്. വ്യാഴാഴ്ച നടന്ന തെരഞ്ഞെടുപ്പിൽ 80 ശതമാനം പോളിങ്ങാണ് ഇവിടെ രേഖപ്പെടുത്തിയത്.

Read Also  :  ഇടത് വലത് മുന്നണികള്‍ ചെയ്ത ഏഴ് പാപങ്ങള്‍ എണ്ണിപ്പറഞ്ഞ് പ്രധാനമന്ത്രി

ഞാൻ തീർച്ചയായും നന്ദി​ഗ്രാമിൽ നിന്ന് വിജയിക്കും. അക്കാര്യത്തിൽ ആശങ്കയില്ല. ഞാൻ വിജയിക്കുമെന്ന് എനിക്കറിയാം, എന്നാൽ എനിക്കൊപ്പം 200 സ്ഥാനാർത്ഥികളെങ്കിലും വിജയിക്കണം. എങ്കിൽ മാത്രമേ നമുക്ക് സർക്കാരുണ്ടാക്കാൻ സാധിക്കൂ എന്നും മമത പറഞ്ഞു.