ന്യൂഡല്‍ഹി: മന്ത്രവാദിയുടെ നിര്‍ദേശപ്രകാരം അയല്‍വാസിയുടെ മകനായ മൂന്ന് വയസുകാരനെ കൊലപ്പെടുത്തിയ സംഭവത്തിൽ യുവതി അറസ്റ്റിൽ ആയിരിക്കുന്നു. കല്യാണം കഴിഞ്ഞ് വര്‍ഷങ്ങളായിട്ടും കുട്ടികളില്ലാത്തതിന്റെ പേരില്‍ ബന്ധുക്കള്‍ സമ്മര്‍ദ്ദം ചെലുത്തിയിരുന്നു ഇതിന് കാരണം. തുടര്‍ന്ന് പരിഹാരത്തിന് സമീപിച്ച മന്ത്രവാദിയുടെ നിര്‍ദേശപ്രകാരമാണ് അയല്‍വാസിയുടെ കുട്ടിയെ 25കാരി കൊലപ്പെടുത്തിയതെന്ന് പൊലീസ് പറയുകയുണ്ടായി. കുട്ടി ഉണ്ടാവാന്‍ മറ്റൊരു കുട്ടിയെ ബലി നല്‍കാനാണ് മന്ത്രവാദി നിര്‍ദേശിച്ചത്.
ഡല്‍ഹിയിലെ ബുദ്ധ വിഹാറിലാണ് ഞെട്ടിക്കുന്ന ക്രൂര സംഭവം നടന്നിരിക്കുന്നത്. 2013ലാണ് യുവതി വിവാഹം ചെയ്തത്. വര്‍ഷങ്ങള്‍ കഴിഞ്ഞിട്ടും കുട്ടികള്‍ ഇല്ലാത്തതിന്റെ പേരില്‍ ബന്ധുക്കള്‍ കുത്തുവാക്ക് പറയുന്നതും സമ്മര്‍ദ്ദം ചെലുത്തുന്നതും പതിവായിരുന്നു. ഇതില്‍ നിന്ന് രക്ഷപ്പെടാന്‍ യുവതി ഒരു മന്ത്രവാദിയെ സമീപിക്കുകയായിരുന്നുവെന്ന് പൊലീസ് പറഞ്ഞു.
കുട്ടി ഉണ്ടാവാന്‍ മറ്റൊരു കുട്ടിയെ ബലി നല്‍കാന്‍ മന്ത്രവാദി പറയുകയുണ്ടായി. ഇതനുസരിച്ച് അയല്‍വാസിയുടെ മൂന്ന് വയസുള്ള മകനെ യുവതി കൊലപ്പെടുത്തുകയായിരുന്നു ഉണ്ടായത്. കുട്ടിയുടെ വീടിന്റെ മുകളില്‍ വച്ചാണ് കൊലപാതകം നടന്നത്. കാണാതായ കുട്ടിയെ കണ്ടെത്താന്‍ വീട്ടുകാര്‍ പൊലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് കൊലപാതകം തെളിഞ്ഞത്. സംശയാസ്പദമായ നിലയില്‍ കണ്ട ബാഗ് തുറന്നുനോക്കിയ പൊലീസ് കുട്ടിയുടെ മൃതദേഹം കണ്ടെത്തുകയായിരുന്നു ഉണ്ടായത്.
Post Your Comments