അവസാന തീയതി മാർച്ച് 31; പാൻ കാർഡ് ആധാറുമായി ലിങ്ക് ചെയ്യുന്നത് എങ്ങനെ? വീട്ടിലിരുന്ന് ചെയ്യാം

ഈ നടപ്പ് സാമ്പത്തിക വർഷം അവസാനിക്കുകയാണ്. ഇതിൻ്റെ ഭാഗമായി മാർച്ച് 31-ന് മുമ്പ് ചെയ്‌തു തീർക്കേണ്ട ചില കാര്യങ്ങളുണ്ട്. അതിൽ പ്രധാനപ്പെട്ടത് നിങ്ങളുടെ ആധാർ-പാൻ ലിംഗിംങ് ആണ്. പാന്‍ ആധാറുമായി ബന്ധിപ്പിക്കുന്നതിനുള്ള സമയപരിധി നേരത്തെ 2020 ജൂൺ 30 ആയിരുന്നു. സെന്‍ട്രല്‍ ബോര്‍ഡ്‌ ഓഫ്‌ ഡയറക്ട്‌ ടാക്‌സസ് ഇത് 2021 മാര്‍ച്ച്‌ 31-ലേക്ക് നീട്ടി. പാന്‍-ആധാര്‍ ലിങ്കിംഗ്‌ വിജയകരമാകുന്നതിന്‌ പാൻ കാർഡിലേയും ആധാര്‍ കാര്‍ഡിലെയും പേര്‌, ജനന തീയതി പോലുള്ള വിവരങ്ങൾ സമാനമായിരിക്കണമെന്നും ആദായ നികുതി വകുപ്പ് അറിയിച്ചിട്ടുണ്ട്.

Also Read:സ്ത്രീകളിൽ ഏറ്റവും കൂടുതൽ അണുബാധയുണ്ടാകുന്നത് യോനി ഭാഗത്ത്; ഈ ഔഷധമൊന്ന് പരീക്ഷിച്ച് നോക്കൂ

ആദായനികുതി റിട്ടേൺ സമർപ്പിക്കുന്നതിന് സർക്കാർ ആധാർ കാർഡ് അനിവാര്യമാക്കിയിട്ടുണ്ട്. അതിനാൽ, പാൻ കാർഡ് ലിങ്ക് ചെയ്യേണ്ടത് അത്യാവശ്യമാണ്. മാർച്ച് 31 ന് മുൻപായി ഇത് ചെയ്യേണ്ടതുണ്ട്. എങ്ങനെയാണ് പാൻ കാർഡ് ആധാറുമായി ബന്ധിപ്പിക്കേണ്ടത് എന്ന് നോക്കാം. നിങ്ങളുടെ ആധാർ കാർഡ് പാൻ കാർഡുമായി ബന്ധിപ്പിക്കുന്നതിന് രണ്ട് മാർഗങ്ങളുണ്ട്. ഒന്ന്, ഒരു എസ്എംഎസ് വഴിയോ അല്ലെങ്കിൽ ആദായനികുതി വകുപ്പിന്റെ ഇ-ഫയലിംഗ് വെബ്‌സൈറ്റ് www.incometaxindiaefiling.gov.in വഴിയോ ലിങ്കിംഗ് നടത്താവുന്നതാണ്.

1. എസ്എംഎസ് വഴി ലിങ്ക് ചെയ്യാൻ: നിങ്ങളുടെ ആധാർ പാൻ കാർഡുമായി എസ്എംഎസ് വഴി ലിങ്ക് ചെയ്യുന്നതിന്, UIDPAN എന്ന് ടൈപ്പ് ചെയ്ത് 567678 അല്ലെങ്കിൽ 56161 എന്ന നമ്പറിലേക്ക് അയയ്ക്കുക.

2. ആദായ നികുതി വെബ്സൈറ്റ് വഴിയാണെങ്കിൽ: www.incometaxindiaefiling.gov.in എന്ന ലിങ്ക് ടൈപ്പ് ചെയ്യ്ത് അതിൽ നിങ്ങളുടെ പാൻ കാർഡ് നമ്പർ, ആധാർ നമ്പർ, ആധാറിലെ നിങ്ങളുടെ പേര്, തുടർന്ന് ഒരു ക്യാപ്‌ച കോഡ് എന്നിവ നൽകുക. ചുവടെയുള്ള ലിങ്ക് ആധാർ ബട്ടണിൽ ക്ലിക്കുചെയ്യുക, നിങ്ങളുടെ കാർഡുകൾ ലിങ്ക് ചെയ്യപ്പെടും.