ചരിത്രപ്രധാനമായ നിമിഷം; പിഎസ്എൽവി-സി 51 വിക്ഷേപണ വിജയത്തിൽ ബ്രസീൽ പ്രസിഡന്റിന് അഭിനന്ദനമറിയിച്ച് പ്രധാനമന്ത്രി

ന്യൂഡൽഹി : ഐഎസ്ആർഒയുടെ ബഹിരാകാശ ദൗത്യത്തിൽ ബ്രസീലിന്റെ ആമസോണിയ 1 ന്റെ വിക്ഷേപണം വിജയകരമായി പൂർത്തിയാക്കിയതിൽ പ്രസിഡന്റ് ജെയർ ബോൾസനാരോയെ അഭിനന്ദിച്ച് പ്രധാനമന്ത്രി നരേന്ദ്ര മോദി. ചരിത്രപ്രധാനമായ നിമിഷമെന്നാണ് അദ്ദേഹം ട്വിറ്ററിൽ കുറിച്ചത്. പിഎസ്എൽവി-സി 51 വിക്ഷേപണത്തിനായി പ്രയത്‌നിച്ച ഇരു രാജ്യങ്ങളിലെയും ഗവേഷകരെയും അദ്ദേഹം പ്രശംസിച്ചു.

 

Parabens!! Excelência @jairbolsonaro pelo sucesso do lançamento do satélite Amazônia-1 do Brasil por PSLV-C51 de @isro. Este é um momento histórico em nossa cooperação espacial e meus melhores votos para muitos outros empreendimentos como esse no futuro.

— Narendra Modi (@narendramodi) February 28, 2021

ബഹിരാകാശ ദൗത്യം പൂർത്തീകരിച്ച ന്യൂ സ്‌പേസ് ഇന്ത്യ ലിമിറ്റഡിനെയും ഐഎസ്ആർഒയെയും പ്രധാനമന്ത്രി അഭിനന്ദിച്ചു. ഈ വിക്ഷേപണം ബഹിരാകാശ ദൗത്യത്തെ ഒരു പുതിയ കാലഘട്ടത്തിലേയ്ക്ക് നയിക്കും. 18 ഉപഗ്രഹങ്ങൾക്കൊപ്പം രാജ്യത്തെ യുവതലമുറയുടെ 4 ഉപഗ്രഹങ്ങളുമുണ്ടെന്നും അദ്ദേഹം പറഞ്ഞു.

രാവിലെ 10.24 ന് ശ്രീഹരിക്കോട്ടയിൽ നിന്നായിരുന്നു വിക്ഷേപണം. ഐഎസ്ആർഒയുടെ ഈ വർഷത്തെ ആദ്യ ബഹിരാകാശ ദൗത്യമാണ് ഇത്. ബ്രസീലിന്റെ ആമസോണിയ-1 ഉപഗ്രഹവും മറ്റ് പതിനാല് വിദേശരാജ്യങ്ങളിൽ നിന്നുള്ള സ്വകാര്യ നാനോ ഉപഗ്രഹങ്ങളുമാണ് പിഎസ്എൽവിയിൽ വിക്ഷേപിച്ചത്.  ഇന്ത്യയിൽ നിന്ന് സതീഷ് ധവാൻ സാറ്റ് അക്കാഡമി കൺസോർഷ്യത്തിന്റെ മൂന്ന് ഉപഗ്രഹങ്ങളുമുണ്ട്.