കൊച്ചി : കൊച്ചിയില്‍ നാട്ടുകാരുടെ പേടി സ്വപ്‌നമായ മരിയാര്‍ പൂതത്തിനായി വല വിരിച്ച് പൊലീസ്. മരിയാര്‍ പൂതത്തിനെ കുടുക്കാന്‍ എറണാകുളം പൊലീസ് വ്യാപകമായ അന്വേഷണമാണ് നടത്തുന്നത്. ഇതിനിടെ മരിയാര്‍ പൂതത്തിന്റെ മകന്‍ നിഷാന്തിനെ (24) തമിഴ്നാട് പൊലീസ് അറസ്റ്റ് ചെയ്തു. നിഷാന്തിനെ പിടികൂടിയതോടെ തമിഴ്നാട് പൊലീസ് എറണാകുളത്ത് ബന്ധപ്പെട്ട് ഇവിടുത്തെ കേസുകളില്‍ ഉള്‍പ്പെട്ടിട്ടുണ്ടോയെന്ന് അന്വേഷിച്ചിരുന്നു.
കൂട്ടംചേര്‍ന്ന് കൊള്ള നടത്തിയ കേസിലാണ് നിഷാന്തിനെ അറസ്റ്റ് ചെയ്തത്. കന്യാകുമാരി എസ്പിയുടെ നേതൃത്വത്തില്‍ നടത്തിയ അന്വേഷണത്തിലാണ് നിഷാന്ത് അടക്കം അഞ്ചുപേരെ മൊണ്ടയ്ക്കാട് പൊലീസ് രജിസ്റ്റര്‍ ചെയ്ത കേസില്‍ പിടികൂടിയത്. മരിയാര്‍ പൂതത്തിനൊപ്പം ഭാര്യ പുനിതയും എറണാകുളം നോര്‍ത്ത് പൊലീസ് സ്റ്റേഷനിലെ പിടികിട്ടാപ്പുള്ളിയാണ്.
Post Your Comments