പ്ര​ശ​സ്ത ടെ​ലി​വി​ഷ​ന്‍ താ​രം ചി​ത്ര ഹോ​ട്ട​ല്‍ മു​റി​യി​ല്‍ മ​രി​ച്ച നി​ല​യി​ല്‍

ചെ​ന്നൈ: ത​മി​ഴ് ടെ​ലി​വി​ഷ​ന്‍ താ​ര​ത്തെ ഹോ​ട്ട​ല്‍ മു​റി​യി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി. സീ​രി​യ​ല്‍ താ​രം വി.​ജെ ചി​ത്ര (29) യെ​യാ​ണ് ഹോ​ട്ട​ല്‍ മു​റി​യി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത്. ത​മി​ഴ് പ്രേ​ക്ഷ​ക​ര്‍​ക്കി​ട​യി​ല്‍ ഏ​റെ ജ​ന​പ്രീ​തി​യു​ണ്ടാ​യി​രു​ന്ന സീ​രി​യ​ല്‍ ന​ടി​യാ​ണ് ചി​ത്ര. വി​ജ​യ് ടി​വി സം​പ്രേ​ക്ഷ​ണം ചെ​യ്യു​ന്ന പാ​ണ്ഡ്യ​ന്‍ സ്റ്റോ​ര്‍​സ് എ​ന്ന സീ​രി​യ​ലി​ലെ മു​ല്ലൈ എ​ന്ന ക​ഥാ​പാ​ത്ര​ത്തി​ലൂ​ടെ​യാ​ണ് ചി​ത്ര പ്ര​ശ​സ്ത​യാ​കു​ന്ന​ത്. ജീവനൊടുക്കിയതാണെന്നാണ് പ്രാഥമിക നിഗമനം.

ഷൂ​ട്ടിം​ഗ് ക​ഴി​ഞ്ഞ് പു​ല​ര്‍​ച്ചെ 2.30 നാ​ണ് ചി​ത്ര ഹോ​ട്ട​ല്‍ മു​റി​യി​ലെ​ത്തി​യ​ത്. സ​ഹ​താ​രം ഹേ​മ​ന്തി​നൊ​പ്പ​മാ​ണ് ചി​ത്ര താ​മ​സി​ച്ചി​രു​ന്ന​ത്. റൂ​മി​ലെ​ത്തി​യ ചി​ത്ര ത​നി​ക്ക് കു​ളി​ക്ക​ണ​മെ​ന്നും ഹേ​മ​ന്തി​നോ​ടു പു​റ​ത്തേ​ക്കു പോ​ക​ണ​മെ​ന്നും ആ​വ​ശ്യ​പ്പെ​ട്ടു. ഏ​റെ സ​മ​യം ക​ഴി​ഞ്ഞി​ട്ടും ചി​ത്ര വാ​തി​ല്‍ തു​റ​ന്നി​ല്ല. ഹേ​മ​ന്ത് വാ​തി​ലി​ല്‍ മു​ട്ടി നോ​ക്കി​യെ​ങ്കി​ലും മ​റു​പ​ടി​യു​ണ്ടാ​യി​ല്ല.

read also: ഇന്ത്യയിൽ കോവിഡ് വാക്സിൻ എപ്പോഴെത്തുമെന്ന് ഇന്നറിയാം: സുപ്രധാന യോഗം

ഇ​തേ​തു​ട​ര്‍​ന്നു, ഹോ​ട്ട​ല്‍ ജീ​വ​ന​ക്കാ​രി​ല്‍​നി​ന്ന് മു​റി​യു​ടെ മ​റ്റൊ​രു താ​ക്കോ​ല്‍ വാ​ങ്ങി ഹേ​മ​ന്ത് വാ​തി​ല്‍ തു​റ​ന്നു നോ​ക്ക​യ​പ്പോ​ഴാ​ണ് മു​റി​യി​ലെ ഫാ​നി​ല്‍ കെ​ട്ടി​ത്തൂ​ങ്ങി​യ നി​ല​യി​ല്‍ ചി​ത്ര​യെ ക​ണ്ടെ​ത്തി​യ​ത്. ഉ​ട​ന്‍​ത​ന്നെ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും ജീവൻ രക്ഷിക്കാനായില്ല. സം​ഭ​വ​ത്തി​ല്‍ ന​സ്ര​ത്ത്പേ​ട്ടൈ പോ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സ് ര​ജി​സ്റ്റ​ര്‍ ചെ​യ്ത് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.