എണ്ണ മേഖലയിൽ വൻനേട്ടവുമായി ദുബായ്; ഉറ്റുനോക്കി ലോകരാജ്യങ്ങൾ

കോവിഡ് പ്രതിസന്ധി നിലനിൽക്കുമ്പോഴും നടപ്പുവർഷം തരക്കേടില്ലാത്ത വ്യാപാര ഇടപാടുകളാണ് ദുബായിൽ നടന്നത്. 2000ൽ 14,300 കോടി ദിർഹമായിരുന്നു എണ്ണയിതര വിദേശ വ്യാപാരത്തിെൻറ തോത്. 2019ൽ ആകട്ടെ, ഇത് 1.271 ലക്ഷം കോടിയായി ഉയർന്നു. നടപ്പു വർഷം ആദ്യ 6 മാസം 55,100 കോടിയുടെ ഇടപാടുകളും നടന്നു.ദുബായ് കസ്റ്റംസ് അധികൃതരാണ് ഇക്കാര്യം വ്യക്തമാക്കിയത്. കോവിഡ് വെല്ലുവിളികൾക്കിടയിലും എണ്ണയിതര മേഖലയിൽ ഈ വർഷം ആദ്യപകുതിയിൽ ഇന്ത്യയുമായി 3,850 കോടി ദിർഹത്തിന്റെ ഇടപാടുകളാണ് നടത്തിയത്.

ഭക്ഷ്യമേഖല ഉൾപ്പെടെ എല്ലാ രംഗങ്ങളിലും ഇന്ത്യ ഉൾപ്പെടെയുള്ള രാജ്യങ്ങളുമായി സഹകരണം കൂടുതൽ ശക്തമാണ്. പുനർകയറ്റുമതിയിലും വലിയ വർധന രേഖപ്പെടുത്തിയതായി ദുബായ് കസ്റ്റംസ് ഡയറക്ടർ ജനറൽ അഹമ്മദ് മഹ്ബൂബ് മുസാബിഹ് പറഞ്ഞു.