ന്യൂയോർക്ക്: യൂണിയന്‍ സ്‌ക്വയറിൽ യുവതിയെ സബ്‌വേ ട്രാക്കിലേക്ക് തള്ളിയിട്ട ഇന്ത്യൻ വംശജൻ അറസ്റ്റിൽ. ട്രെയിന്‍ സ്റ്റേഷനിലേയ്ക്ക് പ്രവേശിക്കുന്നതിനിടെ ഇന്ത്യന്‍ വംശജനായ 24കാരനായ ആദിത്യ വെമുലപതിയെന്ന യുവാവാണ് യുവതിയെ സബ് വേ ട്രാക്കിലേക്ക് തള്ളിയിട്ട് കൊല്ലാൻ ശ്രമിക്കുകയുണ്ടായത്. ഇയാളെ പൊലീസ് അറസ്റ്റ് ചെയ്തിരിക്കുകയാണ്. കൊലപാതകശ്രമം, അശ്രദ്ധമായ അപകടം വരുത്തിവയ്ക്കുക, എന്നീ കുറ്റങ്ങൾ പ്രകാരം ഇയാൾക്കെതിരെ പോലീസ് കേസെടുത്തിരിക്കുന്നത്.
ഡിസംബര്‍ 4 വരെ ആദിത്യയെ തടവിലാക്കാന്‍ ജഡ്ജി ഉത്തരവ് നൽകിയിരിക്കുന്നു. സബ്‌വേ സ്റ്റേഷനിലെ വീഡിയോ ഫൂട്ടേജുകളിൽ നിന്ന് യാതൊരു പ്രകോപനവും ഇല്ലാതെയാണ് യുവതിക്കെതിരെ ആക്രമണം ഉണ്ടായതെന്ന് അറിയാൻ കഴിഞ്ഞു. ലിലിയാന ലാനോസ് എന്ന യുവതിയെയാണ് ആദിത്യ തള്ളിയിട്ടത്.
‘ട്രെയിന്‍ സ്റ്റേഷനിലേക്ക് എത്തുന്ന സമയം കണക്കാക്കിക്കൊണ്ട് ആദിത്യ കാത്തിരിക്കുന്നത് വീഡിയോയിൽ കാണാം, ട്രയിൻ സ്റ്റേഷനിൽ പ്രവേശിച്ച സമയത്ത് ആദിത്യ ലാനോസിനെ ട്രാക്കിലേക്ക് തള്ളിവിട്ടു, റോള്‍ ബെഡിനും റെയിലുകള്‍ക്കുമിടയിലാണ് ലാനോസ് വീഴുകയുണ്ടായത്.
ഭാഗ്യവശാല്‍ ചെറിയ പരിക്കുകള്‍ മാത്രമേ ഉണ്ടായിരുന്നുള്ളൂ ‘ എന്‍.വൈ.പി.ഡി ചീഫ് ഓഫ് ട്രാന്‍സിറ്റ് ക്യാപ്റ്റന്‍ കാത്ലീന്‍ ഓ റെയ്ലി പറഞ്ഞു. ലാനോസ് ഹെഡ്ഫോണുകള്‍ വച്ച് ബൈബിള്‍ ഭാഗങ്ങള്‍ ശ്രദ്ധിക്കുകയായിരുന്നു. അതിനിടയിലാണ് ലാനോസിന് നേരെ ആക്രമണം നടന്നിരിക്കുന്നത്. യുവതിയെ തള്ളിയിട്ട ശേഷം പൊലീസ് സമീപിക്കുന്നത് കണ്ട് ആദിത്യ പ്ലാറ്റ്‌ഫോമില്‍ കിടന്നു. ആദിത്യ വൈകാരികമായി അസ്വസ്ഥനാണെന്ന് പൊലീസ് പറയുന്നു. ആശുപത്രിയിലെത്തിച്ച ലാനോസിന്റെ തലയ്ക്കും ശരീരത്തിനും ചെറിയ മുറിവുകളുണ്ടായിരുന്നു.
Post Your Comments