കണ്ണൂർ : തളിപ്പറമ്പ് പരിയാരത്ത് 17 വയസുകാരനെ പ്രകൃതി വിരുദ്ധ പീഡനത്തിന് ഇരയാക്കിയ ഒരു വയോധികൻ ഉൾപ്പെടെ മൂന്നു പേർ അറസ്റ്റിൽ. പരിയാരം എമ്പേറ്റ് സ്വദേശികളായ വാസു, കുഞ്ഞിരാമൻ, മോഹനൻ എന്നിവരെയാണ് പരിയാരം സിഐ കെവി ബാബു അറസ്റ്റു ചെയ്തത്. കഴിഞ്ഞ മൂന്ന് വർഷത്തിനിടെ മൂന്ന് പേരും വിദ്യാർത്ഥിയെ പലതവണ പീഡിപ്പിച്ചതായാണ് പരാതി. സംശയം തോന്നിയ വിദ്യാർത്ഥിയുടെ അമ്മാവനാണ് ചൈൽഡ് ലൈനിന് പരാതി നൽകിയത്.
വ്യത്യസ്ഥ ഇടങ്ങളിൽ വെച്ചാണ് പ്രതികൾ വിദ്യാർത്ഥിയെ പീഡനത്തിനിരയാക്കിയത്. വാസു വിദ്യാർത്ഥിയെ എമ്പേറ്റിലെ തന്റെ വീട്ടിൽ കൊണ്ടുപോയി ശേഷമാണ് പീഡിപ്പിച്ചത്. കുഞ്ഞിരാമൻ സ്വന്തം വീട്ടിൽ വച്ച് പീഡിപ്പിച്ചു. ഓഗസ്റ്റ് ഏഴിന് രാവിലെ പ്രതി മോഹനൻ വിദ്യാർത്ഥിയെ ആൾ ഒഴിഞ്ഞ പ്രദേശത്ത് കൊണ്ടുപോയാണ് പീഡനത്തിന് ഇരയാക്കിയത്.
പ്രതികൾക്കെതിരെ പോക്സോ ചുമത്തിയിട്ടുണ്ട്. വൈദ്യപരിശോധനയ്ക്ക് ശേഷം പയ്യന്നൂർ മജിസ്ട്രേറ്റ് കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Post Your Comments