തളിക്കുളം • വാട്ട്സാപ്പ് ഗ്രൂപ്പില്‍ അശ്ലീല വീഡിയോ പോസ്റ്റ്‌ ചെയ്ത കോണ്‍ഗ്രസ് നേതാവിനെതിരെ പോലീസ് കേസെടുത്തു. മഹിളാ കോണ്‍ഗ്രസ് നേതാക്കള്‍ ഉള്‍പ്പെട്ട വാട്ട്സാപ്പ് ഗ്രൂപ്പിലാണ് കോണ്‍ഗ്രസ് നേതാവും തളിക്കുളം പഞ്ചായത്ത് അംഗവുമായ പി ഐ ഷൗക്കത്തലി അശ്ലീല വീഡിയോ പങ്കുവച്ചത്. സ്ത്രീകളെ അപമാനിച്ചതിനാണ് വാടാനപ്പള്ളി പൊലീസ് കേസെടുത്തത്.
ലോക്സഭാ തെരഞ്ഞെടുപ്പിനോടനുബന്ധിച്ചാണ് വനിതകള്‍ ഉള്‍പ്പെട്ട വാട്സപ്പ് ഗ്രൂപ്പ് ആരംഭിച്ചത്.
കോണ്‍ഗ്രസ് പ്രവര്‍ത്തകനായ തളിക്കുളം തമ്പാന്‍കടവ് കാഞ്ഞിരത്തിങ്കല്‍ വിജയന്റെ പരാതിയിലാണ് പോലീസ് നടപടി. ഏതാനും മാസങ്ങള്‍ക്ക് മുന്‍പ് കോണ്‍ഗ്രസ് യോഗത്തില്‍വെച്ച്‌ ഈ നേതാവ് പ്രവാസി കോണ്‍ഗ്രസ് നേതാവിനെ മര്‍ദ്ദിച്ചതായും പരാതി ഉണ്ടായിരുന്നു.
Post Your Comments