അടുത്ത വിജയ് സേതുപതി ചിത്രത്തില്‍ നായിക അനുഷ്‌ക

നടന്‍ വിജയ് സേതുപതിയുടെ ഇനി പുറത്തുവരാനിരിക്കുന്ന ചിത്രം മാസ്റ്ററാണ്. അതേസമയം എ എല്‍ വിജയ് സംവിധാനം ചെയ്യുന്ന അടുത്ത പ്രൊജക്ടില്‍ വിജയ് സേതുപതി നായകനായി എത്തുന്നുവെന്ന് റിപ്പോര്‍ട്ടുകളുണ്ട്. ചിത്രത്തില്‍ അനുഷ്‌ക ഷെട്ടിയാണ് നായികയായി എത്തുന്നത്.

അങ്ങനെയാണെങ്കില്‍ അനുഷ്കയും വിജയ് സേതുപതിയും ഒന്നിക്കുന്ന ആദ്യ ചിത്രമായിരിക്കും ഇത്.വേല്‍സ് ഫിലിംസ് ഇന്റര്‍നാഷണലിന്റെ ബാനറില്‍ ഐഷരി ഗണേഷാണ് ചിത്രം നിര്‍മ്മിക്കുന്നത്. അതേസമയം എ എല്‍ വിജയ്- അനുഷ്ക ഷെട്ടി കൂട്ടുകെട്ടില്‍ രണ്ടു സിനിമകള്‍ പിറന്നിട്ടുണ്ട്.

താണ്ഡവം, ദൈവതിരുമകള്‍ എന്നീ ചിത്രങ്ങളില്‍ ഇരുവരും ഒന്നിച്ച്‌ പ്രവര്‍ത്തിച്ചിട്ടുണ്ട്. നിശബ്ദം എന്ന സിനിമയാണ് അനുഷ്ക ഷെട്ടിയുടെ അടുത്തതായി പുറത്തുവരാന്‍ ഉള്ളത്.