യുഎഇയില്‍ കോവിഡ് രോഗമുക്തരുടെ എണ്ണത്തില്‍ വര്‍ധനവ് ; നിലവില്‍ ചികിത്സയിലുള്ളത് ഏഴായിരത്തിന് താഴെ മാത്രം രോഗികള്‍

യുഎഇയില്‍ നിന്ന് ഏറെ ആശ്വാസകരമായ വാര്‍ത്തകളാണ് പുറത്തുവരുന്നത്. രാജ്യത്ത് കോവിഡ് രോഗമുക്തരുടെ എണ്ണത്തില്‍ വന്‍ വര്‍ധനവ്. ഇന്ന് 494 പേരാണ് രോഗമുക്തരായത്. ഇതോടെ രാജ്യത്ത് കോവിഡ് മുക്തരായവരുടെ എണ്ണം 50,848 ആയി ഉയര്‍ന്നു. ഇന്ന് 254 പേര്‍ക്കാണ് പേര്‍ക്കാണ് രോഗബാധ സ്ഥിരീകരിച്ചത്. ഇതോടെ രാജ്യത്ത് ആകെ കോവിഡ് രോഗികളുടെ എണ്ണം 57,988 ആയി.

ഇന്ന് ഒരു മരണം പോലും രാജ്യത്ത് റിപ്പോര്‍ട്ട് ചെയ്തിട്ടില്ല എന്നതും ഏറെ ആശ്വാസകരമാണ്. നിലവില്‍ 342 മരണങ്ങളാണ് റിപ്പോര്‍ട്ട് ചെയ്തിരിക്കുന്നത്. അതേസമയം നിലവില്‍ 6,798 പേരാണ് കോവിഡ് ബാധിച്ച് രാജ്യത്ത് ചികിത്സയിലുള്ളത്. 54,000 പുതിയ കോവിഡ് -19 പരിശോധനകള്‍ നടത്തിയതായി ആരോഗ്യ മന്ത്രാലയം അറിയിച്ചു. രോഗമുക്തരുടെ ആഗോള ശരാശരി 60.4 ശതമാനവുമായി താരതമ്യം ചെയ്യുമ്പോള്‍ യുഎഇ രോഗമുക്തര്‍ ഇപ്പോള്‍ 50,000 കടന്നിരിക്കുന്നു, അതോടെ രോഗമുക്ത നിരക്ക് 87.22 ശതമാനമായി ഉയര്‍ന്നു.

ഇന്നലെ നടന്ന ഒരു പത്രസമ്മേളനത്തില്‍, ഈദ് ഇടവേളയ്ക്ക് ശേഷം 50 ശതമാനം വര്‍ദ്ധിച്ച ശേഷിയില്‍ പള്ളികള്‍ പ്രവര്‍ത്തിക്കാന്‍ അനുവാദം നല്‍കിയിട്ടുണ്ട്. എന്നിരുന്നാലും യുഎഇയിലെ വീട്ടില്‍ ഈദ് അല്‍ അദാ നമസ്‌കാരം നടത്താന്‍ വിശ്വസ്തരോട് ആവശ്യപ്പെടുന്നു. ഓഗസ്റ്റ് 3 മുതല്‍ കുടുംബസംഗമങ്ങളും മീറ്റിംഗുകളും ഒഴിവാക്കാന്‍ മന്ത്രാലയം ജീവനക്കാരോട് നിര്‍ദേശിച്ചു. ബന്ധുക്കള്‍ക്കിടയില്‍ സമ്മാനങ്ങളോ പണമോ വിതരണം ചെയ്യരുതെന്നും ഓണ്‍ലൈന്‍ മാര്‍ഗങ്ങള്‍ ഉപയോഗിക്കരുതെന്നും ഉദ്യോഗസ്ഥര്‍ ജീവനക്കാരോട് നിര്‍ദ്ദേശിച്ചു.

അതേസമയം മടങ്ങിയെത്തുന്ന എല്ലാ താമസക്കാര്‍ക്കും അംഗീകൃത കേന്ദ്രങ്ങള്‍ നല്‍കുന്ന നെഗറ്റീവ് പിസിആര്‍ ഫലങ്ങള്‍ ഉണ്ടെന്ന് എയര്‍ലൈന്‍സ് ഉറപ്പാക്കണമെന്നും അധികൃതര്‍ പ്രഖ്യാപിച്ചു. 72 മണിക്കൂറില്‍ കൂടാത്ത ഫലമായിരിക്കണം വരുന്ന താമസക്കാരുടെ കോവിഡ് ടെസ്റ്റ് കാലയളവ്.