കൊല്ലം: ഹോം ക്വാറന്റൈന്‍ നിര്‍ദേശം ലംഘിച്ച് പുറത്തിറങ്ങി നടന്നയാളെ പൊലീസ് പിടികൂടി നിരീക്ഷണ കേന്ദ്രത്തിലേക്ക് മാറ്റി. കൊല്ലം കടപ്പാക്കട ചന്തയില്‍ നിന്നാണ് ഇയാളെ പൊലീസ് പിടികൂടിയത്. ഇന്ന് ചന്തയില്‍ ഇയാളോടൊപ്പം മദ്യപിച്ച നാലുപേരെയും ഇതില്‍ ഒരാളുടെ ഭാര്യയെയും പൊലീസ് നിരീക്ഷണ കേന്ദ്രത്തിലേക്ക് മാറ്റി.
ചൊവ്വാഴ്ച കര്‍ണാടകയില്‍ നിന്നെത്തിയ ഇയാളെ ആരോഗ്യവകുപ്പ് കണ്ടെത്തി ഹോം ക്വാറന്റൈനിലാക്കിയിരുന്നുവെങ്കിലും ഇയാള്‍ വീട്ടില്‍ കഴിയാതെ പുറത്ത് കറങ്ങി നടക്കുകയായിരുന്നു. കര്‍ണാടകയില്‍ നിന്ന് ഇയാള്‍ എങ്ങനെ കൊല്ലത്തെത്തിയെന്നത് ഇതുവരെ കണ്ടെത്തിയിട്ടില്ല. ഇതേക്കുറിച്ച് അന്വേഷിക്കുമെന്നും ചോദ്യങ്ങള്‍ക്ക് ഇയാള്‍ കൃത്യമായ മറുപടി നല്‍കുന്നില്ലെന്നും പൊലീസ് അറിയിച്ചു.
Post Your Comments