മുംബൈ : കൊവിഡ് രോഗിക്കെതിരെ ലൈംഗികാതിക്രമം നടത്തിയെന്ന പരാതിയിൽ ഡോക്ടർക്കെതിരെ കേസ്. ഐസിയുവിൽ ചികിത്സയിലായിരുന്ന കൊവിഡ് രോഗിക്ക് നേരെയാണ് 44കാരനായ ഡോക്ടർ ലൈംഗികാതിക്രമം നടത്തിയത്. മുംബൈയിലെ ഒരു സ്വകാര്യ ആശുപത്രിയിലാണ് സംഭവം നടന്നത്.
ഐസിയുവിൽ ചികിത്സയിലായിരിക്കെ ഡോക്ടർ മോശമായി സ്പർശിച്ചുവെന്നും ഉപദ്രവിച്ചെന്നുമാണ് പരാതി. ഡോക്ടര്‍ക്കെതിരെ പരാതി ഉയര്‍ന്നതോടെ ഇയാളെ ആശുപത്രിയില്‍ നിന്ന് പുറത്താക്കിയതായി ആശുപത്രി മാനേജ്‌മെന്റ് അറിയിച്ചു.
എന്നാൽ കൊവിഡ് രോഗികളെ ചികിത്സിച്ചതിനെ തുടർന്ന് ഡോക്ടർ നിലവിൽ ക്വാറന്റീനിലാണ് കഴിയുന്നത്. നിരീക്ഷണ കാലാവധി പൂർത്തിയായി കഴിഞ്ഞാൽ ഡോക്ടറുടെ അറസ്റ്റ് രേഖപ്പെടുത്തുമെന്നും
പൊലീസ് അറിയിച്ചു.
Post Your Comments