തിരുവനന്തപുരം: വീട്ടില്‍ ചാരായം വാറ്റി കടത്താന്‍ശ്രമിക്കുന്നതിനിടെ തിരക്കഥാകൃത്ത് അറസ്റ്റില്‍. കവിയും തിരക്കഥാകൃത്തുമായ വെള്ള ഷിബു എന്നറിയപ്പെടുന്ന ആര്യനാട് കൊക്കോട്ടേല തൊണ്ടംകുളം ശ്രീവത്സം വീട്ടില്‍ ഷിബുവാണ് പിടിയിലായത്. ചോദ്യം ചെയ്തതിന്റെ അടിസ്ഥാനത്തില്‍ ഇയാളുടെ വീട്ടില്‍ നിന്നും വാറ്റുവാന്‍ സൂക്ഷിച്ചിരുന്ന 120 ലിറ്റര്‍ കോടയും വാറ്റുപകരണങ്ങളും പിടിച്ചെടുത്തു
എക്സൈസ് എന്‍ഫോഴ്മെന്റ് ആന്റ് ആന്റീ നാര്‍ക്കോട്ടിക് സ്പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ ടി അനികുമാറിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. ഇയാള്‍ നേരത്തെ നിരവധി അബ്കാരി കേസുകളില്‍ പ്രതിയായിരുന്നു എന്ന് എക്സൈസ് പറയുന്നു.
Post Your Comments