മാസങ്ങള്‍ക്കു മുമ്പ് പ്രണയിച്ച് വിവാഹം കഴിച്ചു ; ഒടുവില്‍ മദ്യം കൊടുത്ത് ഭാര്യയെ കഴുത്ത് ഞെരിച്ച് കൊന്ന് കെട്ടിത്തൂക്കി; ഭര്‍ത്താവ് അറസ്റ്റില്‍

തിരുവനന്തപുരം: പ്രണയിച്ചു വിവാഹം കഴിച്ച ഭാര്യയെ മദ്യം കൊടുത്ത് കഴുത്ത് ഞെരിച്ച് കൊന്ന് കെട്ടിത്തൂക്കിയ ഭര്‍ത്താവിനെ പോത്തന്‍കോട് പൊലീസ് പിടികൂടി. ഈ കഴിഞ്ഞ 23ന് ആണ് വാമനപുരം സ്വദേശി ആദര്‍ശ് (26) ഭാര്യയായ വേറ്റിനാട് സ്വദേശിനി കൃഷ്‌ണേന്ദു (19) നെ കൊലപ്പെടുത്തിയത്. കഴിഞ്ഞ ജനുവരിയിലാണ് ഇരുവരും പ്രണയിച്ച് വിവാഹം കഴിച്ചത്. പോത്തന്‍കോട് നന്നാട്ടുകാവില്‍ വാടക വീട്ടില്‍വെച്ചാണ് സംഭവം നടന്നത്. കൊലപാതകത്തിന് പിന്നിലെ കാരണം വ്യക്തമല്ല.