ന്യൂഡൽഹി: ലോക വനിതാ ദിനത്തില്‍ പ്രധാനമന്ത്രി നരേന്ദ്രമോദി തന്റെ സോഷ്യല്‍ മീഡിയ അക്കൗണ്ട് ഏഴ് വനിതകള്‍ക്ക് നിയന്ത്രിക്കാനായി നൽകിയിരുന്നു. ‘അന്താരാഷ്ട്ര വനിതാദിനത്തിന് ആശംസകള്‍. സ്ത്രീശക്തിയുടെ ഉത്സാഹത്തിനും വിജയങ്ങള്‍ക്കും ഞങ്ങള്‍ അഭിവാദ്യം അര്‍പ്പിക്കുന്നു. കുറച്ച്‌ ദിവസങ്ങള്‍ക്ക് മുൻപ് പറഞ്ഞതുപോലെ തന്നെ, സോഷ്യല്‍ മീഡിയ ഞാന്‍ അക്കൗണ്ട് സൈന്‍ ഓഫ് ചെയ്യുന്നു. എന്റെ സോഷ്യല്‍ മീഡിയ അക്കൗണ്ടുകളിലൂടെ ദിവസം മുഴുവന്‍ വിജയം കൈവരിച്ച ഏഴ് വനിതകള്‍ അവരുടെ ജീവിത യാത്രകള്‍ പങ്കുവെക്കുകയും സംവദിക്കുകയും ചെയ്യും, എന്ന് അദ്ദേഹം കഴിഞ്ഞ ദിവസം അറിയിച്ചിരുന്നു.
ഫുഡ് ബാങ്ക് ഇന്ത്യയുടെ സ്ഥാപക സ്നേഹ മോഹന്ദോസായിരുന്നു അതിൽ ഒരാൾ. ഇപ്പോള്‍ പ്രധാനമന്ത്രിയുടെ സോഷ്യല്‍ മീഡിയ അക്കൗണ്ടിന്റെ പാസ് വേര്‍ഡ് തിരക്കിയ ഉപയോക്താവിന് മോദിയുടെ അക്കൗണ്ടില്‍ നിന്നും തന്നെ സ്നേഹ നൽകിയ മറുപടിയാണ് ഇപ്പോൾ വൈറലാകുന്നത്. പുതിയ ഇന്ത്യക്കായി ലോഗിന്‍ ചെയ്തുകൊണ്ടിരിക്കൂ എന്നാണ് സ്നേഹ കൊടുത്ത മറുപടി. സ്‌നേഹയുടെ മറുപടിയെ പ്രശംസിച്ച് സോഷ്യൽ മീഡിയയിൽ നിരവധി കമന്റുകളാണ് വരുന്നത്.
New India…try logging in :)
@snehamohandoss https://t.co/ydnMKzsY0W
— Narendra Modi (@narendramodi) March 8, 2020
Post Your Comments