സംസ്ഥാനത്ത് ഇന്ന് ഏറ്റവുമധികം ചൂട് കണ്ണൂരില്‍ ; കൂടാതെ നാല് ജില്ലകളിലും ചൂട് വര്‍ധിച്ചു ; താപനില ഇങ്ങനെ

തിരുവനന്തപുരം: സംസ്ഥാനത്ത് ഇന്ന് ഏറ്റവുമധികം താപനില രേഖപ്പെടുത്തിയത് കണ്ണൂര്‍ ജില്ലയില്‍. 37.2 ഡിഗ്രീ സെല്‍ഷ്യസ് ചൂടാണ് കണ്ണൂരില്‍ ഇന്ന് രേഖപ്പെടുത്തിയത്. ശരാശരിയേക്കാള്‍ 4 ഡിഗ്രി കൂടുതലാണിത്. അതേസമയം ആലപ്പുഴ ജില്ലയില്‍ 35.8 ഡിഗ്രീ ചൂടാണ് രേഖപ്പെടുത്തിയത്. സാധാരണ അനുഭവപ്പെടുന്നതിലും 3 ഡിഗ്രീ അധിക ചൂടാണ് ആലപ്പുഴയില്‍ ഇന്നുണ്ടായത്. തിരുവനന്തപുരം, കോട്ടയം, കോഴിക്കോട് ജില്ലകളിലും ശരാശരിയിലും രണ്ട് ഡിഗ്രി കൂടുതല്‍ ചൂട് രേഖപ്പെടുത്തിയിട്ടുണ്ട്. നിലവില്‍ നാളെ ഒരു ജില്ലയിലും താപനില മുന്നറിയിപ്പില്ല.