സ്കൂള്‍ വാനിൽ തീപിടിത്തം : നാലുകുട്ടികൾക്ക് ദാരുണാന്ത്യം

ചണ്ഡിഗഡ്: സ്കൂള്‍ വാനിലുണ്ടായ തീപിടിത്തത്തിൽ നാലുകുട്ടികൾക്ക് ദാരുണാന്ത്യം. പഞ്ചാബിലെ സാഗ്രുറിലെ ലോങ്ഗോവാളിൽ പൊതുവിദ്യാലയത്തിലെ വാനിലാണ് വൈകുന്നേരം തീപിടിത്തമുണ്ടായതെന്നു ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഏഴിനും 12 നും ഇടയില്‍ പ്രായമുള്ള വിദ്യാർത്ഥികളാണ് മരിച്ചത്. വാഹനത്തില്‍ 12 കുട്ടികള്‍ ഉണ്ടായിരുന്നെന്നാണ് വിവരം.

Also read : കാമുകിയുടെ മുന്നില്‍ വച്ച് അധ്യാപകന്‍ ശകാരിച്ചു: യുവാവ് ജീവനൊടുക്കി

സ്കൂളില്‍ നിന്ന് കുട്ടികളുമായി പുറപ്പെട്ട വാനിൽ തീപിടിത്തമുണ്ടായ വിവരം വഴിയാത്രക്കാർ ഡ്രൈവറുടെ ശ്രദ്ധയില്‍പ്പെടുത്തുകയും നിർത്താൻ ആവശ്യപ്പെടുകയും ചെയ്തു. വാഹനത്തിൽ തീപടരാൻ തുടങ്ങിയപ്പോഴേക്കും എട്ട് കുട്ടികളെ പുറത്തെത്തിച്ചിരുന്നു. എന്നാൽ വാനിന്റെ ഡോര്‍ തുറക്കാന്‍ സാധിക്കാതെ വന്നതോടെ നാലുകുട്ടികൾ കുടുങ്ങുകയും മരണപ്പെടുകയുമായിരുന്നു