ന്യൂഡല്‍ഹി: ‘താങ്കള്‍ നന്നായി ജോലി ചെയ്യുന്നു. ജനങ്ങളെ സേവിക്കുന്ന ഈ ജോലി തുടരൂ. കഠിനാധ്വാനം ചെയ്ത് ഫലം അനുഭവിക്കൂ. എല്ലാം നന്നായി വരും. ദൈവം എന്നോട് പറഞ്ഞു’- ഡല്‍ഹി നിയമസഭാ തെരഞ്ഞെടുപ്പ് ശനിയാഴ്ച നടക്കാനിരിക്കെ അരവിന്ദ് കേജരിവാള്‍ ട്വിറ്ററില്‍ കുറിച്ചതാണിത്. തെരഞ്ഞെടുപ്പിനു മുന്നോടിയായി ഡല്‍ഹിയിലെ ഹനുമാന്‍ മന്ദിറിലെത്തി പ്രാര്‍ഥിച്ചതിനുശേഷമാണ് കേജരിവാള്‍ ഇങ്ങനെ ട്വീറ്റ് ചെയ്തത്.
തെരഞ്ഞെടുപ്പില്‍ ഹിന്ദു മതപരമായ ഘടകങ്ങള്‍ കൂട്ടിച്ചേര്‍ക്കാന്‍ അടുത്തിടെയായി കേജരിവാള്‍ പ്രത്യേകം ശ്രദ്ധിക്കുന്നു.അയോധ്യയില്‍ രാമക്ഷേത്ര നിര്‍മാണത്തിനു മേല്‍നോട്ടത്തിനായ് 15 അംഗ ട്രസ്റ്റ് രൂപീകരിക്കാനുള്ള കേന്ദ്രതീരുമാനത്തെ കേജരിവാള്‍ സ്വാഗതം ചെയ്തിരുന്നു. നല്ല ജോലികള്‍ തുടങ്ങുന്നതിനും പ്രഖ്യാപിക്കുന്നതിനും സമയം പ്രശ്‌നമല്ല, അത് സ്വാഗതം ചെയ്യുകയാണു വേണ്ടതെന്നായിരുന്നു ഇതേക്കുറിച്ച്‌ കേജരിവാള്‍ പറഞ്ഞത്.
തെരഞ്ഞെടുപ്പിന്‍റെ സമയത്ത് ഇത്തരമൊരു പ്രഖ്യാപനം നടത്തിയ കേന്ദ്രസര്‍ക്കാരിന്‍റെ നടപടിയെ പലരും വിമര്‍ശിച്ചപ്പോള്‍ കേജരിവാളെടുത്ത നിലപാട് രാഷ്ട്രീയ കേന്ദ്രങ്ങളെ അത്ഭുതപ്പെടുത്തിയിരുന്നു. ദൈവത്തില്‍ വിശ്വസിക്കൂവെന്ന് കഴിഞ്ഞ ദിവസം പാര്‍ട്ടി പ്രവര്‍ത്തകരോട് അദ്ദഹം ആഹ്വാനം ചെയ്തിരുന്നു.
Post Your Comments