മലപ്പുറം: മനസ്സുകളിൽ വിഭജനമുണ്ടാക്കി മത തീവ്രവാദ സംഘടനകൾ കേരളത്തിൽ കലാപത്തിനു ശ്രമിക്കുകയാണെന്ന ആരോപണവുമായി ബിജെപി ദേശീയ നിർവാഹക സമിതി അംഗം പി.കെ.കൃഷ്ണദാസ് രംഗത്ത്. പോപ്പുലർ ഫ്രണ്ടും എസ്ഡിപിഐയുമാണ് പിന്നിൽ. വരാനിരിക്കുന്ന തിരഞ്ഞെടുപ്പുകൾ മുന്നിൽക്കണ്ട് ഭരണപക്ഷവും പ്രതിപക്ഷവും ഇവരെ പിന്തുണയ്ക്കുന്നുണ്ടെന്നും അദ്ദേഹം കൂട്ടിച്ചേർത്തു.
പൗരത്വ നിയമത്തിനെതിരായ പ്രക്ഷോഭങ്ങൾക്ക് കേരളത്തിലെ ഭരണപക്ഷവും പ്രതിപക്ഷവും നൽകുന്ന പിന്തുണ തീവ്രവാദ സംഘടനകളുടെ സ്വീകാര്യത വർധിപ്പിച്ചു. പൗരത്വ നിയമത്തെ എതിർക്കുന്നതു പോലെ തന്നെ അനുകൂലിക്കാനും സ്വാതന്ത്ര്യമുണ്ട്. എന്നാൽ കേരളത്തിൽ നിയമത്തെ അനുകൂലിക്കുന്നവർക്കു ജോലി നിഷേധിച്ചും അവരുടെ വ്യാപാര സ്ഥാപനങ്ങൾ ബഹിഷ്കരിച്ചും മിന്നൽ ഹർത്താലുകൾ നടത്തിയും വിഭാഗീയത സൃഷ്ടിക്കുകയാണെന്നും കൃഷ്ണദാസ് ആരോപിച്ചു.
Post Your Comments