പലര്‍ക്കും ഉറക്കക്കുറവ് ഒരു പ്രശ്‌നമാകാറുണ്ട്. ഇത് പല രോഗങ്ങള്‍ക്കും കാരണമാകാം.
നല്ല ഉറക്കത്തിന് ഏറ്റവുമധികം സഹായിക്കുന്ന ഒന്നാണ് ബദാം. ഇതിലടങ്ങിയിരിക്കുന്ന മഗ്‌നീഷ്യമാണ് ഇതിനായി സഹായിക്കുന്നത്. രാത്രി കിടക്കുന്നതിന് രണ്ട് മണിക്കൂര്‍ മുമ്‌ബേ ഒരു പിടി ബദാം കഴിക്കുന്നത് നല്ലതാണ്.
ഇളം ചൂടുള്ള പാലാണ് നല്ല ഉറക്കത്തിന് മറ്റൊരു ഉപാധി. ഉറക്കത്തെ പരിപോഷിപ്പിക്കാന്‍ സഹായിക്കുന്ന വിറ്റാമിന്‍- ഡി, കാത്സ്യം, ട്രിപ്റ്റോഫാന്‍ എന്നിവ പാലില്‍ ധാരാളമായി അടങ്ങിയിരിക്കുന്നു. അതിനാല്‍ തീര്‍ച്ചയായും ഉറങ്ങുന്നതിന് അല്‍പം മുമ്ബായി ഒരു ഗ്ലാസ് ഇളം ചൂടുപാല്‍ കഴിക്കാവുന്നതാണ്.
നല്ല ഉറക്കം ലഭിക്കാന്‍ ഏറ്റവും നല്ലതാണ് വാള്‍നട്ട്. ഉറങ്ങുന്നതിന് മൂന്ന് മണിക്കൂര്‍ മുമ്‌ബേ നാലോ അഞ്ചോ വാള്‍നട്ട് കഴിക്കാവുന്നതാണ്.മഗ്‌നീഷ്യം തന്നെയാണ് ഇവിടെയും നല്ല ഉറക്കം കിട്ടാന്‍ സഹായിക്കുന്നത്.
മറ്റൊന്നാണ് ഓട്‌സ്. ഉറക്കത്തെ നല്ലരീതിയില്‍ സ്വാധീനിക്കാന്‍ ഓട്ട്സിന് കഴിവുണ്ടത്രേ. ധാരാളം ഫൈബര്‍ അടങ്ങിയിരിക്കുന്നു എന്നതിനാല്‍ ദഹനപ്രക്രിയ എളുപ്പമാക്കാന്‍ ഓട്ട്സ് സഹായിക്കുന്നു.
Post Your Comments