പ്ര​ള​യ​ഭീ​തിക്കിടെ പോ​ലീ​സി​നെ​യും നാ​ട്ടു​കാ​രേ​യും വെ​ട്ടി​ലാ​ക്കി വ​യോ​ധി​ക​ന്‍റെ നീ​ന്തി​ക്കു​ളി

ആ​ലു​വ: പ്ര​ള​യ ര​ക്ഷാ​പ്ര​വ​ര്‍​ത്ത​നം തു​ട​രു​ന്ന​തി​നി​ടെ നാ​ട്ടു​കാ​രെ കാ​ഴ്ച​ക്കാ​രാ​ക്കി വ​യോ​ധി​ക​ന്‍റെ നീ​ന്തി​ക്കു​ളി. കൊ​ടു​ങ്ങ​ല്ലൂ​ര്‍ സ്വ​ദേ​ശി​യാ​യ കൃ​ഷ്ണ​നാ​ണ് പോ​ലീ​സു​കാ​രും നാ​ട്ടു​കാ​രും നോ​ക്കി​നി​ല്‍​ക്കെ ആ​ലു​വ മ​ണ​പ്പു​റ​ത്തെ പു​ഴ​യി​ലേ​ക്കു ചാ​ടി നീ​ന്തി​ക്കു​ളി​ച്ച​ത്. കു​റ​ച്ചു​സ​മ​യ​ത്തി​നു​ശേ​ഷം ക്ഷേ​ത്ര​ത്തി​നു മു​ന്‍​പി​ലു​ള്ള ആ​ല്‍​മ​ര​ത്തി​നരികിലേക്ക് ഇ​യാ​ള്‍ നീ​ന്തി​യെ​ത്തി. തി​രി​കെ ക​യറാന്‍ പോ​ലീ​സ് ആ​വ​ശ്യ​പ്പെ​ട്ടെ​ങ്കി​ലും ത​യാ​റാ​യി​ല്ല. ഇ​തി​നി​ടെ ആ​ല്‍​മ​ര​ത്തി​ല്‍ പി​ടി​ച്ചു​ക​യ​റി.

Read Also:   പ്ര​ള​യ​മേ​ഖ​ല​ക​ളി​ല്‍ ജ​പ്തി ന​ട​പ​ടി​ക​ള്‍ പാ​ടി​ല്ലെ​ന്ന് നിർദേശം

ഇതിനിടെ വീ​ണ്ടും വെ​ള്ള​ത്തി​ലേ​ക്ക് എ​ടു​ത്തു​ചാ​ടി​യ ഇ​യാ​ള്‍ മ​ണ​പ്പു​റം ക്ഷേ​ത്ര​ത്തി​നു സ​മീ​പ​ത്തേ​ക്കു നീ​ന്തി. അൽപസമയത്തിനകം ഇയാളെ കാണാതായി. കു​റ​ച്ചു​സ​മ​യ​ത്തി​നു​ശേ​ഷ​വും ക​ണ്ടെ​ത്താ​ന്‍ ക​ഴി​യാ​തി​രു​ന്ന​തോ​ടെ ഇ​യാ​ള്‍ ഒ​ഴു​ക്കി​ല്‍​പ്പെ​ട്ടു പോ​യി​രി​ക്കാ​മെ​ന്ന നി​ഗ​മ​ന​ത്തി​ല്‍ അ​ഗ്നി​ര​ക്ഷാ​സേ​ന തെരച്ചിലിനെത്തി. എന്നാൽ പ്ര​തി​കൂ​ല കാ​ലാ​വ​സ്ഥ മൂ​ലം പി​ന്‍​വാ​ങ്ങി. അ​ധി​കൃ​ത​ര്‍ നേ​വി​യു​ടെ സ​ഹാ​യം തേ​ടി. എ​ന്നാ​ല്‍ കു​റ​ച്ചു​സ​മ​യ​ത്തി​നു​ശേ​ഷം മ​ണ​പ്പു​റ​ത്തെ റോ​ഡി​ല്‍​കൂ​ടി ഇ​യാ​ള്‍ ന​ട​ന്നു​പോ​കു​ന്ന​ത് കണ്ട നാട്ടുകാർ ഇയാളെ പിടികൂടി പോലീസിലേൽപ്പിച്ചു. ഒ​ടു​വി​ല്‍ കേ​സൊ​ന്നു​മെ​ടു​ക്കാ​തെ താ​ക്കീ​ത് ചെ​യ്ത് പോ​ലീ​സ് കൃ​ഷ്ണ​നെ വി​ട്ട​യ​ച്ചു.