കൊച്ചി: നിപ സ്ഥിരീകരിച്ചു എന്ന വാര്‍ത്ത ജനങ്ങളെ ഭയപ്പെടുത്തുകയല്ല വേണ്ടതെന്ന് നടന്‍ മമ്മൂട്ടി. ജാഗ്രതയാണ് വര്‍ധിപ്പിക്കേണ്ടതെന്ന് അദ്ദേഹം തന്‍റെ ഫേസ്ബുക്ക് പേജില്‍ കുറിച്ചു. ചികിത്സയില്‍ കഴിയുന്ന യുവാവിന് നിപ്പ വൈറസ് ബാധയുണ്ടെന്ന് ഇന്ന് രാവിലെയാണ് സ്ഥിരീകരിച്ചത്.
ജനങ്ങളുടെ കൂട്ടായ്മയാണ് ഈ സമയത്ത് വേണ്ടെതെന്നു പറഞ്ഞ മമ്മൂട്ടി ഇതിലും എത്രയോ വലിയ ഭീതികളെ മറികടന്നവരാണ് നാമെന്നും ചോദിക്കുന്നു. ഒന്നിച്ചു നിന്ന് നിപ്പയെ കീഴടക്കാം എന്ന ആഹ്വാനത്തോടെയാണ് അദ്ദേഹം തന്‍റെ ഫേസ്ബുക്ക് പോസ്റ്റ് അവസാനിപ്പിക്കുന്നത്. നിപ്പയെ ഭയപ്പെടേണ്ട സാഹചര്യം നിലവിലില്ലെന്നും എന്നാൽ ജനങ്ങൾ ജാഗ്രത പുലർത്തണമെന്നും ആരോഗ്യമന്ത്രി അറിയിച്ചിട്ടുണ്ട്.
Post Your Comments