തിരുവനന്തപുരം:സാമ്പത്തിക തിരിമറി നടത്തിയ കേസില്‍ സഹകരണ ബാങ്ക് മുന്‍ ജൂനിയര്‍ അക്കൗണ്ടന്റിന് 28വര്‍ഷം തടവുശിക്ഷ. കൊല്ലം ജില്ലാ സഹകരണ ബാങ്കില്‍ ജൂനിയര്‍ അക്കൗണ്ടന്റായിരുന്ന കൊട്ടാരക്കര പടിഞ്ഞാറ്റിന്‍കര തെങ്ങുവിള വീട്ടില്‍ ഷാജഹാനെയാണ് തിരുവനതപുരം വിജിലന്‍സ് കോടതി കുറ്റക്കാരനാണെന്ന് കണ്ട് ശിക്ഷിച്ചത്. ഏഴ് കേസുകളിലായി നാല് വര്‍ഷം വീതം 28 വര്‍ഷം തടവിനും 5,90,000 രൂപ പിഴ അടയ്ക്കാനുമാണ് തിരുവനന്തപുരം വിജിലന്‍സ് കോടതി ഉത്തരവ്.
1997- 98 കാലത്ത് കൊല്ലം ജില്ലാ ബാങ്കില്‍ ജൂനിയര്‍ അക്കൗണ്ടന്റായിരുന്ന ഷാജഹാന്‍ ലെഡ്ജറില്‍ വിവിധയാളുകള്‍ വന്‍തുകകള്‍ നിക്ഷേപിച്ചതായി കാട്ടുകയും ദിവസങ്ങള്‍ക്ക് ശേഷം ഈ വ്യക്തികള്‍ ഷാജഹാന്റെ സ്വന്തം അക്കൗണ്ടിലേക്ക് ഈ തുക മാറ്റാന്‍ അപേക്ഷിച്ചതായി രേഖയുണ്ടാക്കിയാണ് പണം തട്ടിയത്. ചെക്കുകളുപയോഗിച്ച്‌ ഉപഭോക്താക്കളുടെ അക്കൗണ്ടില്‍ നിന്നും 611625 രൂപ തിരിമറി നടത്തി തട്ടിയെടുത്തെന്നാണ് വിജിലന്‍സ് കേസ്.
Post Your Comments