കണ്ണൂര്‍ : കണ്ണൂരില്‍ വന്‍ സ്ഫോടനം. സ്‌ഫോടനത്തില്‍ വിദ്യാര്‍ത്ഥിയ്ക്ക് ഗുരുതര പരിക്കേറ്റു.
പരിയാരം സ്വദേശി വിജിലിനാ (14)ണ് പരിക്കേറ്റത്. കണ്ണൂര്‍ പരിയാരത്താണ് വന്‍ പൊട്ടിത്തെറി ഉണ്ടായത്.
ആളൊഴിഞ്ഞ സ്ഥലത്ത് കണ്ട ബോംബ് കയ്യിലെടുത്തപ്പോള്‍ പൊട്ടിത്തെറിക്കുകയായിരുന്നു.
ആദ്യം കണ്ണൂര്‍ എ.കെ.ജി ആശുപത്രിയിലെത്തിച്ച കുട്ടിയെ പരിക്ക് ഗുരുതരമായതിനാല്‍ കുട്ടിയെ കോഴിക്കോട് മെഡിക്കല്‍ കോളെജിലേക്ക് മാറ്റി. സംഭവത്തില്‍ വിശദമായ അന്വേഷണം നടത്തുമെന്ന് പൊലീസ് അറിയിച്ചു. രണ്ടാഴ്ച്ചയ്ക്കിടെ ഇത് രണ്ടാം തവണയാണ് കണ്ണൂരില്‍ ബോംബ് പൊട്ടി കുട്ടികള്‍ക്ക് പരിക്കേല്‍ക്കുന്നത്. കഴിഞ്ഞയാഴ്ച്ച നടുവിലില്‍ ആര്‍എസ്‌എസ് നേതാവിന്റെ വീട്ടില്‍ സ്ഫോടനുമുണ്ടായി മകനടക്കം രണ്ട് കുട്ടികള്‍ക്ക് പരിക്കേറ്റിരുന്നു.
Post Your Comments