കേരളത്തില്‍ മാത്രമല്ല ഉത്തരേന്ത്യയും ചുട്ടുപൊളളുന്നു  ; ഉഷ്ണക്കാറ്റ് ശക്തം

ന്യൂഡല്‍ഹി : കേരളത്തിലെ താങ്ങാനാവാത്ത ചൂടും പോലെ തന്നെ ഉത്തരേന്ത്യയും ചുട്ടുപൊളളുകയാണ്. അവിടെ , ഉഷ്ണക്കാറ്റ് ശക്തമാണെന്നാണ് വിവരം. ഉഷ്ണക്കാറ്റ് കൂടുതല്‍ ചൂടിലേക്ക് നയിക്കപ്പെടും. ഉഷ്ണകാറ്റുകൾ കൂടുതൽ ശക്തമാകുമെന്നാണ് കാലാവസ്ഥ വകുപ്പിന്റെ റിപ്പോർട്ട്. ഇത് മൂലം മൂന്ന് മാസത്തെ ശരാശരി താപനിലയേക്കാൾ ഒരു ഡിഗ്രി സെൽഷ്യസ് ഉയരുമെന്നും ചൂട് ഇനിയും വര്‍ദ്ദിതമാകാനാണ് സാധ്യതയെന്നും കാലാവസ്ഥ കേന്ദ്രം അറിയിക്കുന്നു .

ശാന്തസമുദ്രത്തിന്റെ തെക്കു കിഴക്കൻ ഭാഗം ചൂടു പിടിക്കുന്ന പ്രതിഭാസമായ എൽനിനോ മൂലമാണ് ചൂട് വർദ്ധിക്കുന്നതെന്നാണ് കാലാവസ്ഥ വകുപ്പിൻറെ വിശദീകരണം. പഞ്ചാബ്, ഹരിയാന, ഡൽഹി, രാജസ്ഥാൻ, മഹാരാഷ്ട്ര, ചത്തീസ്ഗഢ്, ഗോവ, മധ്യപ്രദേശ്, ഗുജറാത്ത് എന്നീ സംസ്ഥാനങ്ങളിലും സമാനമായ കടുത്ത ചൂടിന് സാധ്യതയുളളതായി മുന്നറിയിപ്പുണ്ട്.