ചൈനീസ് വിപണിയിലെ തിരിച്ചടി മറികടക്കാൻ പുതിയ പദ്ധതിയുമായി ആപ്പിള്‍. ചുവന്ന നിറത്തിൽ ഫോണുകൾ അവതരിപ്പിക്കാനാണ് കമ്പനി ഒരുങ്ങുന്നത്. നേരത്തെ ഐഫോണ്‍ എക്സ്ആര്‍ എന്ന മോഡലിൽ മാത്രമായിരുന്നു ചുവപ്പ് നിറത്തില്‍ അവതരിപ്പിച്ചിരുന്നത്. ഇതിനു പുറമെയാണ് വില കൂടിയ മോഡലുകളായ എക്സ് എസ്/മാക്‌സ് എന്നീ മോഡലുകളിലും ചുവപ്പ് നിറം ആപ്പിൾ നല്‍കുന്നത്.
ഈ മാസാവസാനം പുതിയ നിറത്തിലുള്ള ഫോണുകള്‍ എത്തുമെന്നാണ് റിപ്പോർട്ട്. ‘ചൈനാ റെഡ്’ എന്നാണ് ഈ വെരിയെന്‍റിന് ചൈനീസ് മാധ്യമങ്ങൾ നൽകുന്ന പേര്. ചുവപ്പു നിറത്തിലുള്ള ഐഫോണുകള്‍ ചൈനയില്‍ തന്നെയായിരിക്കും അവതരിപ്പിക്കുക. ഇവയ്ക്ക് സ്റ്റീല്‍ ബോഡിയായിരിക്കും നൽകുക. നിലവിലുള്ള ഫോണുകൾ മുഴുവൻ യൂണി ഗ്ലാസ് മോഡലാണ്.
Post Your Comments