ഗൂഡല്ലൂര്‍: കര്‍ഷകനെ കാട്ടാന ചവിട്ടിക്കൊന്നു. നീലഗിരി ഗൂഡല്ലൂര്‍ താലൂക്കിലെ മുതുമല പഞ്ചായത്തിലാണ് സംഭവം. മുതുകുളിയില്‍ നാഗംവള്ളി വാസു (55) ആണ് കാട്ടാനയുടെ ആക്രമണത്തില്‍ അതി ദാരുണമായി കൊല്ലപ്പെട്ടത്. രാത്രി ഏഴുമണിയോടെ ബോസ്പാറയില്‍ നിന്നും റേഷന്‍ വാങ്ങി മടങ്ങുന്ന വഴി മുതുകുളിക്ക് സമീപത്ത് വെച്ച് കര്‍ഷകനെ കാട്ടാന ആക്രമിക്കുകയായിരുന്നു.
നാട്ടുകാര്‍ വിവരമറിയിച്ചതിനെ തുടര്‍ന്ന്് മസിനഗുഡിയില്‍ നിന്നും പൊലീസ് വനപാലകരും എത്തിയാണ് മൃതദേഹം സംഭവ സ്ഥലത്തു നിന്നും മാറ്റിയത്. മൃതദേഹം ഇപ്പോള്‍ ഗൂഡല്ലൂര്‍ താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. തുടര്‍ന്ന് പോസ്റ്റമോര്‍ട്ടത്തിന് ശേഷം മൃതദേഹം ചൊവ്വാഴ്ച സംസ്‌കരിക്കും. ഭാര്യ: ദേവകി, മക്കള്‍: രജീഷ്, ഗോപലകൃഷണന്‍, സതീഷ്, ശാരദ, അനിത, സൗന്ദര്യ.
Post Your Comments