കെ.ടി.സി അബ്ദുള്ള അവസാനമായി ക്യാമറക്ക് മുന്നില്‍ വന്ന സിനിമ വാരിക്കുഴിയിലെ കൊലപാതകം സിനിമയുടെ റിലീസ് തിയതി പ്രഖ്യാപിച്ചു. ലാല്‍ ബഹദൂര്‍ ശാസ്ത്രിക്കു ശേഷം രജീഷ് മിഥില തിരക്കഥയെഴുതി സംവിധാനം ചെയ്ത ‘വാരിക്കുഴിയിലെ കൊലപാതകം’ ഫെബ്രുവരി 22നാണ് തിയേറ്ററുകളിലേക്കെത്തുക.
‘ഉറക്കം കെടുത്തുന്ന വാരിക്കുഴിയിലെ കൊലപാതകം’; ട്രെയിലര്‍ വീഡിയോ കാണാം
ടേക്ക് വണ്‍ എന്റര്‍ട്ടെയിന്മെന്റ്‌സിന്റെ ബാനറില്‍ ഷിബു ദേവദത്തും സുജീഷ് കോലോത്തൊടിയുമാണു ചിത്രം നിര്‍മ്മിച്ചിരിക്കുന്നത്. യുവതാരം അമിത് ചക്കാലക്കല്‍ നായകനാകുന്ന ചിത്രത്തില്‍ ദിലീഷ് പോത്തനും ലാലും സുപ്രധാന വേഷത്തിലെത്തുന്നുണ്ട്. അങ്കമാലി ഡയറീസ് ഫെയിം കിച്ചു ടെലസും സുധി കോപ്പയും നെടുമുടി വേണുവുമുള്‍പ്പെടെ നിരവധി താരങ്ങള്‍ അണിനിരക്കുന്ന ചിത്രത്തിന്റെ സംഗീതമൊരുക്കിയിരിക്കുന്നത് മെജോ ജോസഫാണു. 25 വര്‍ഷങ്ങള്‍ക്കു ശേഷം കീരവാണി മലയാളത്തില്‍ ഗാനം ആലപിക്കുന്നു എന്നുള്ളതും ചിത്രത്തിന്റെ മറ്റൊരു പ്രത്യേകതയാണ്. ഒരു തുരുത്തിലെ കൊലപാതകവും അതിനെ തുടര്‍ന്നുള്ള തുരുത്തിലെ പ്രശ്‌നങ്ങളുമാണു ചിത്രത്തിന്റെ ഇതിവൃത്തം. ഒരു കൊലപാതകം ഒറ്റപ്പെട്ട ഒരു തുരുത്തിനെ എങ്ങനെ ഉറക്കമില്ലാത്തതാക്കുന്നു എന്നുള്ളതാണു ഈ ത്രില്ലര്‍ മൂഡിലുള്ള ചിത്രത്തിന്റെ വിഷയം.
Post Your Comments