കണ്ണൂര്‍ : കഴിഞ്ഞ ദിവസം വന്‍ ആയുധശേഖരം കണ്ടെത്തിയ കൊളവല്ലൂരില്‍ നിന്നും വീണ്ടും ആയുധങ്ങള്‍ പിടിച്ചെടുത്തു. പൊലീസ് നടത്തിയ മിന്നല്‍ പരിശോധനയിലാണ് ആയുധങ്ങള്‍ കണ്ടെത്തിയത്.
മൂന്ന് നാടന്‍ ബോബ് , ഒരു സ്റ്റീല്‍ ബോംബ് , രണ്ട് വാള് , 18 ചെറിയ ഇരുമ്പുവടികള്‍ എന്നിവയാണ് കണ്ടെത്തിയത്. ഇന്നലെ കൊളവല്ലൂര്‍ ചേരിക്കലില്‍ വെച്ചാണ് 20 ബോംബുകള്‍ കണ്ടെടുത്തത്. പ്രദേശത്തെ ആളൊഴിഞ്ഞ പറമ്പില്‍ നിന്നാണ് 20 നാടന്‍ ബോംബുകള്‍ പിടികൂടിയത്.
കല്ലു വെട്ടിയ കുഴിയില്‍ ബക്കറ്റില്‍ ഒളിപ്പിച്ച നിലയില്‍ ആയിരുന്നു ബോംബുകള്‍. പൊലീസിന് നേരെ അക്രമണവും, വീടുകള്‍ക്ക് നേരെ ബോംബേറും നടന്ന മേഖലയാണ് കൊളവല്ലൂര്‍. ആയുധങ്ങള്‍ക്കായി റെയ്ഡ് തുടരുമെന്ന് പോലീസ് പറഞ്ഞു
Post Your Comments