മാധ്യമ പ്രവർത്തകൻ ടെറസിൽനിന്ന് വീണു മരിച്ചു

മുംബൈ : ഡിഎൻഎ ദിനപത്രത്തിന്റെ മുൻ വൈസ് പ്രസിഡന്റ് ആദർശ് മിശ്ര ( 49 )യെ വീടിന്റെ ടെറസിൽനിന്ന് വീണു മരിച്ചനിലയിൽ കണ്ടെത്തി. വീഴ്ചയുടെ കാരണം വ്യക്തമായിട്ടില്ല. ഏഴാം നിലയിൽ താമസിക്കുന്ന മിശ്ര വ്യായാമ വേഷത്തിൽ രാവിലെ ടെറസിലേക്ക് പോകുന്നത് സിസിടിവി ദൃശ്യങ്ങളിൽ കാണാം.10 :30 ന് വീഴുന്നതും സിസിടിവിയിലുണ്ട്.

മാസങ്ങൾക്ക് മുൻപാണ് ഡിഎൻഎയിൽനിന്നു പദവി ഒഴിഞ്ഞത്. ഇന്ത്യൻ എക്സ്‌പ്രസ് ,ആനന്ദ് ബസാർ പത്രിക തുടങ്ങിയവയിൽ പ്രവർത്തിച്ചിട്ടുണ്ട്. ഭാര്യയും മകനുമുണ്ട്.