കൊച്ചി: പാര്‍ക്കിങ്ങിനിടെ സെക്യൂരിറ്റി ജീവനക്കാരനെ മര്‍ദ്ധിച്ചെന്ന പരാതിയില്‍ നടന്‍ സൗബിനെ അറസ്റ്റ് ചെയ്തെന്ന വാര്‍ത്ത ശരിയല്ല, അസത്യമാണെന്ന് നടന്‍റെ പിതാവ് ബാബു ഷാഹിർ വ്യക്തമാക്കി. മേല്‍പ്പറഞ്ഞ സംഭവം രണ്ട് മാസം മുന്നേ സംഭവിച്ചതാണെന്നും അന്ന് കേസ് ഇരുകക്ഷികളും ചേര്‍ന്ന് ഒത്ത് തീര്‍പ്പാക്കിയതാണെന്നും സൗബിന്‍റെ പിതാവ് അറിയിച്ചു.
സൗബിൻ ഇപ്പോൾ പുതിയ ചിത്രത്തിന്റെ ലൊക്കേഷനിലാണെന്നും പ്രചരിക്കുന്നതെല്ലാം വ്യാജ വാര്‍ത്തകളാണെന്നും അദ്ദേഹം പറ‍ഞ്ഞു.
എറണാകുളം തേവരയിലെ ചാക്കോളാസ് ഫ്ലാറ്റിന് മുന്നിൽ സൗബിൻ കാർ പാർക്ക് ചെയ്യാൻ ശ്രമിച്ചതിനെത്തുടർന്നാണ് വാക്കേറ്റവും കയ്യാങ്കളിയും ഉണ്ടായതെന്നും തുടർന്ന് സെക്യൂരിറ്റി ജീവനക്കാരൻ പരാതിയിൽ ഉറച്ചുനിന്നതോടെ സൗബിനെ അറസ്റ്റ് ചെയ്തെന്നുമായിരുന്നു ചില മാധ്യമങ്ങളിൽ പ്രചരിച്ച വാര്‍ത്ത.
Post Your Comments