തിരുവനന്തപുരം: മദ്യപിച്ച്‌ വാഹനമോടിക്കുന്നവര്‍ക്ക് മുന്നറിയിപ്പുമായി കേരള പൊലീസ്. മദ്യപിച്ചു വാഹനമോടിക്കുന്ന ആള്‍ മനുഷ്യബോംബിന് സമാനമാണെന്ന് പൊലീസ് മുന്നറിയിപ്പ് സന്ദേശത്തില്‍ പറയുന്നു.
പുതുവര്‍ഷനാളുകളുടെ ആഹ്‌ളാദാരവങ്ങള്‍ ഉയരുകയായി. എല്ലാവര്‍ഷവും പുതുവത്സരാഘോഷനാളുകളില്‍ റോഡപകടങ്ങളുടെ ദുരന്തവാര്‍ത്തകള്‍ കേള്‍ക്കാറുണ്ട്..
ഈ പുതുവര്‍ഷത്തിലെങ്കിലും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ശ്രദ്ധിക്കാം. മദ്യപിച്ചു വാഹനമോടിക്കുന്നതുമൂലമുണ്ടാകുന്ന അപകടങ്ങളും മരണങ്ങളും അനുദിനം വര്‍ധിക്കുകയാണ്. മദ്യപിച്ചു വാഹനമോടിക്കുന്ന ആള്‍ മനുഷ്യബോംബിന് സമാനമാണ്. കാരണം അയാള്‍ മറ്റുള്ളവരെയും അപകടത്തിലാക്കുന്നു. ഈ ആഘോഷരാവുകളില്‍ നിരത്തുകളിലെ ലഹരിയാത്രകള്‍ അന്ത്യയാത്രയാകാതിരിക്കട്ടെയെന്ന് പോലീസിന്റെ സന്ദേശത്തിൽ പറയുന്നു
Post Your Comments