പമ്പ: ശബരിമല വീണ്ടും സംഘര്‍ഷഭരിതം. മലചവിട്ടി എത്തിയ അഡ്വ ബിന്ദുവിനേയും കനകദുര്‍ഗ്ഗയേയും അപ്പാച്ചി മേട്ടില്‍ വിശ്വാസികള്‍ തടഞ്ഞുവെങ്കിലും അതെല്ലാം നീക്കി പൊലീസ് യുവതികളുമായി മുന്നോട്ട് പോവുകയാണ്. ഷീൽഡ് കൊണ്ട് ഭക്തരെ തള്ളിമാറ്റുകയും ലാത്തിയും മറ്റുമുപയോഗിച്ച് തടയുകയും ചെയ്താണ് യുവതികൾക്ക് സുരക്ഷയൊരുക്കി പോലീസ് മുന്നോട്ടു പോകുന്നത്. സന്നിധാനത്തും കൂടുതൽ പോലീസിനെ വിന്യസിച്ചതായാണ് റിപ്പോർട്ട്.
സംഘടിതമായ വലിയൊരു പ്രതിഷേധം ഇനിയും ഉയര്‍ന്നിട്ടില്ല. അതുകൊണ്ട് തന്നെ ചെറിയ പ്രതിഷേധങ്ങളെ തള്ളിമാറ്റി പൊലീസ് മുന്നോട്ട് പോകുന്നുണ്ട്. എന്നാല്‍ സന്നിധാനത്ത് വലിയ പ്രതിഷേധം ഉണ്ടാകാന്‍ സാധ്യതയുണ്ട്. ഇത് തിരിച്ചറിഞ്ഞ് കൂടുതല്‍ പൊലീസ് സന്നിധാനത്തേക്ക് എത്തുകയാണ്. ഇതര സംസ്ഥാനക്കാരാണ് ഇവരെ തടഞ്ഞിരിക്കുന്നതെന്നതും ശ്രദ്ധേയമാണ്.
Post Your Comments