ക​ണ്ണൂ​രി​ല്‍ മാ​ധ്യ​മ​പ്ര​വ​ര്‍​ത്ത​ക​നെ​യും ഭാ​ര്യ​യേ​യും കെ​ട്ടി​യി​ട്ട് ക​വ​ര്‍​ച്ച: മുഖ്യ​പ്ര​തി പിടിയിൽ

ക​ണ്ണൂ​ര്‍: മാ​തൃ​ഭൂ​മി ക​ണ്ണൂ​ര്‍ യൂ​ണി​റ്റ് ന്യൂ​സ് എ​ഡി​റ്റ​ര്‍ കെ.​വി​നോ​ദ് ച​ന്ദ്ര​ന്‍, ഭാ​ര്യ സ​രി​തകു​മാ​രി എ​ന്നി​രെ ക​ണ്ണൂ​ര്‍ സി​റ്റി ഉ​രു​വ​ച്ചാ​ലി​ലെ വീ​ട്ടി​ല്‍ വ​ച്ച്‌ ആ​ക്ര​മി​ച്ച്‌ കെ​ട്ടി​യി​ട്ട് പ​ണ​വും സ്വ​ര്‍​ണ​വും ക​വ​ര്‍​ന്ന സം​ഘ​ത്തി​ലെ മു​ഖ്യ​പ്ര​തി​ പിടിയിൽ. ഇയാളെ ഡ​ല്‍​ഹി​യി​ലെ സീ​മാ​പു​രി​യി​ല്‍​ നി​ന്നാ​ണ് പിടികൂടിയത്. ഡ​ല്‍​ഹി​യി​ല്‍ നി​ന്ന് ഹൗ​റ​യി​ലേ​ക്കു​ള്ള ട്രെ​യി​ന്‍ യാ​ത്ര​യ്ക്കി​ടെ​യാ​ണ് ഇ​യാ​ള്‍ പി​ടി​യി​ലാ​കു​ന്ന​ത്. സെ​പ്റ്റം​ബ​ര്‍ ആ​റി​ന് പു​ല​ര്‍​ച്ചെ 2.15-നാ​യി​രു​ന്നു ക​വ​ര്‍​ച്ച ന​ട​ന്ന​ത്.

മു​ന്‍വ​ശ​ത്തെ വാ​തി​ല്‍ ത​ക​ര്‍​ത്ത് അ​ക​ത്തു​ക​യ​റി​യ സം​ഘം വി​നോ​ദ് ച​ന്ദ്ര​നെ​യും ഭാ​ര്യ​യെ​യും അതിഭീകരമായി മർദ്ദിച്ച് കെ​ട്ടി​യി​ട്ട ശേ​ഷ​മാ​ണ് ക​വ​ര്‍​ച്ച ന​ട​ത്തി​യ​ത്. സ്വ​ര്‍​ണ​വും പ​ണ​വും എ​ടി​എ​മ്മും കാ​ര്‍​ഡും ഗൃ​ഹോ​പ​ക​ര​ണ​ങ്ങ​ളും ക​വ​രു​ക​യാ​യി​രു​ന്നു. ക​ണ്ണൂ​ര്‍ ജി​ല്ലാ പോ​ലീ​സ് മേ​ധാ​വി ജി. ​ശി​വ​വി​ക്ര​മ​ത്തി​ന് ല​ഭി​ച്ച ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് സി​റ്റി സി​ഐ​യു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ക​ഴി​ഞ്ഞ ദി​വ​സം ഡ​ല്‍​ഹി​യി​ലേ​ക്ക് പു​റ​പ്പെ​ട്ട​ത്.

ഡ​ല്‍​ഹി കേ​ന്ദ്രീ​ക​രി​ച്ച സം​ഘം മു​ഖ്യ​പ്ര​തി സീ​മാ​പു​രി​യി​ലു​ള്ള​താ​യി സൂ​ച​ന ല​ഭി​ച്ചു. തു​ട​ര്‍​ന്ന് പോ​ലീ​സ് സം​ഘം അ​ങ്ങോ​ട്ട് പു​റ​പ്പെ​ട്ടെ​ങ്കി​ലും ഇ​യാ​ള്‍ ട്രെ​യി​നി​ല്‍ ഹൗ​റ​യി​ലേ​ക്ക് പു​റ​പ്പെ​ടു​വു​ക​യാ​യി​രു​ന്നു. ഇ​തി​നി​ട​യി​ല്‍ പോ​ലീ​സ് സം​ഘ​വും ട്രെ​യി​നി​ല്‍ ക​യ​റി ഇ​യാ​ളെ കീ​ഴ്പെ​ടു​ത്തു​ക​യാ​യി​രു​ന്നു. പ്ര​തി​യു​മാ​യി പോ​ലീ​സ് ക​ണ്ണൂ​രി​ലേ​ക്ക് തി​രിച്ചിട്ടുണ്ട്.