വെസ്റ്റെന്‍: സാങ്കേതിക തകരാറ് മൂലം ഫാക്ടറിയില്‍ നിന്നും ചോക്ളേറ്റ് പുറത്തേക്കൊഴുകുയപ്പോള്‍ നിമിഷങ്ങള്‍ക്കുള്ളില്‍ റോഡ് ‘ചോക്ലേറ്റ് റോഡ്’ ആയി മാറി. കഴിഞ്ഞ തിങ്കളാഴ്ച ജര്‍മന്‍ പട്ടണമായ വെസ്റ്റെനില്‍ ഈ രസകരമായ സംഗതി അരങ്ങേറിയത്. റോഡിലെ ടാറിന് മുകളിലായി പരന്നിറങ്ങിയ ചോക്ളേറ്റ് ലായനിയുടെ ചിത്രങ്ങള്‍ നിമിഷങ്ങള്‍ക്കുള്ളില്‍ സമൂഹ മാധ്യമങ്ങളില്‍ വൈറലായി. നിരവധി നാട്ടുകാരാണ് ചോക്ളേറ്റ് നിറഞ്ഞ റോഡ് കാണുവാനായി ഈ റോഡിനരികിലേക്ക് എത്തിയത്. ഫാക്ടറിയിലെ ടാങ്കില്‍ നിറച്ചിരുന്ന ചോക്ലേറ്റാണ് ഒഴുകിപ്പരന്നത്. സാങ്കേതിക തകരാറാണു ചോര്‍ച്ചയ്ക്കു കാരണമെന്ന് ഫാക്ടറി അധികൃതര്‍ പറഞ്ഞു. അവസാനം ഫയര്‍ഫോഴ്സ് ചൂടുവെള്ളം ഒഴിച്ചും ഷവലിന്‍ ഉപയോഗിച്ച് കോരിയുമാണ് ചോക്ലേറ്റ് നീക്കം ചെയ്തത്.
Post Your Comments