ലഖ്നൗ: ചത്ത പശുവിന്‍റെ ശരീര അവശിഷ്ടങ്ങള്‍ പ്രദേശത്ത് നിന്ന് കണ്ടെടുത്തതിനെ തുടര്‍ന്ന് രണ്ട് ഗ്രാമങ്ങള്‍ തമ്മില്‍ സംഘര്‍ഷാവസ്ഥ . ഉത്തര്‍പ്രദേശിലെ മഥുരയില്‍ കോസികലന്‍ പ്രദേശത്താണ് അവശിഷ്ടം കണ്ടത്. സംഘര്‍ഷാവസ്ഥ കണക്കിലെടുത്ത് അവിടെ പൊലീസ് ഉദ്യോഗസ്ഥരെ നിരീക്ഷണത്തിനായി വിനിയോഗിച്ചതായി ഔദ്യോഗിക വൃത്തങ്ങള്‍ അറിയിച്ചിട്ടുണ്ട്.കൂടുതല്‍ പരിശോധനക്കായി പശുവിന്‍റെ അവശിഷ്ടങ്ങള്‍ ലാബിലേക്ക് അയച്ചിട്ടുണ്ട് . ഇതുമായി ബന്ധപ്പെട്ടവരെ ഉടന്‍ കണ്ടെത്തുമെന്ന് ജില്ലാ മജിസ്ട്രേറ്റ് അറിയിച്ചു.
വാഹനത്തില്‍ പശുവിനെ കടത്തിക്കൊണ്ടു പോകുന്നതായി കണ്ടെന്ന് ജനക്പൂരി സ്വദേശിയായ ഒരാള്‍ പൊലീസിന് മൊഴി നല്‍കിയിട്ടുണ്ട്. വാഹനം തടഞ്ഞു നിര്‍‌ത്താന്‍ ശ്രമിച്ചെങ്കിലും അവര്‍ നിര്‍ത്താതെ ഓടിച്ചു പോയെന്നും ഇയാള്‍ സാക്ഷ്യപ്പെടുത്തുന്നു.
Post Your Comments