വിമാനം പറത്തിയതിലൂടെ ച​രി​ത്ര​ത്തി​ന്‍റെ ഭാ​ഗ​മാ​യ അച്ഛനും മകനും

കണ്ണൂർ : വിമാനം പറത്തിയതിലൂടെ ച​രി​ത്ര​ത്തി​ന്‍റെ ഭാ​ഗ​മാ​യ അച്ഛനും മകനുമുണ്ട്. അ​ച്ഛ​ന്‍ പ​രീ​ക്ഷ​ണ​ പ​റ​ക്ക​ല്‍ ന​ട​ത്തി​യ വി​മാ​ന​ത്താ​വ​ള​ത്തി​ല്‍ യാ​ത്ര​ക്കാ​രു​മാ​യി പ​റ​ന്നി​റ​ങ്ങിയത് മകനാണ്.  2016 ല്‍ ​ക​ണ്ണൂ​ര്‍ വി​മാ​ന​ത്താ​വ​ള​ത്തി​ന്‍റെ റ​ണ്‍​വേ പൂ​ര്‍​ത്തി​യാ​ക്കി​യ​പ്പോ​ള്‍ പ​രീ​ക്ഷ​ണ വി​മാ​ന​മി​റ​ക്കി​യ​ത് കാ​ടാ​ച്ചി​റ​യി​ലെ അ​രു​ണ​യി​ല്‍ പ​ദ്മ​നാ​ഭ​ന്‍-​രാ​ധ ദമ്പതി​ക​ളു​ടെ മ​ക​നാ​യ എ​യ​ര്‍​മാ​ര്‍​ഷ​ല്‍ ര​ഘു​നാ​ഥ് നമ്പ്യാ​രാ​യി​രു​ന്നു.

ര​ഘു​നാ​ഥ് ഇറക്കിയത് ഡോ​ണി​യ​ര്‍ 228 എ​ന്ന വി​മാ​ന​മാ​യി​രു​ന്നു. അ​ദ്ദേ​ഹ​ത്തി​ന്‍റെ മ​ക​ന്‍ അ​ശ്വി​ന്‍ നമ്പ്യാ​രാ​ണ് ഗോ ​എ​യ​റി​ന്‍റെ ഡ​ല്‍​ഹി​യി​ല്‍ നി​ന്നു​ള്ള ആ​ഭ്യ​ന്ത​ര സ​ര്‍​വീ​സു​മാ​യി കണ്ണൂരിൽ പ​റ​ന്നി​റ​ങ്ങി​യ​ത്. വ്യോ​മ​സേ​ന​യു​ടെ കി​ഴ​ക്ക​ന്‍ സേ​നാ ക​മാ​ന്‍​ഡ് മേ​ധാ​വി​യാ​ണ് ര​ഘു​നാ​ഥ് ​ നമ്പ്യാ​ര്‍. ഫ്രാ​ന്‍​സി​ല്‍ പോ​യി റ​ഫാ​ല്‍ യു​ദ്ധ​വി​മാ​ന​ത്തി​ന്‍റെ പ​രീ​ക്ഷ​ണ പ​റ​ക്ക​ല്‍ ന​ട​ത്തി​യ​തും ര​ഘു​നാ​ഥ് ന നമ്പ്യാ​രാ​യി​രു​ന്നു. ര​ണ്ട​ര വ​ര്‍​ഷ​ത്തി​നു ശേ​ഷം മ​ക​നും ച​രി​ത്ര​ത്തി​ന്‍റെ ഭാ​ഗ​മാ​കു​ക​യാ​ണ്.

അ​ന്താ​രാ​ഷ്‌​ട്ര നി​ല​വാ​ര​മു​ള്ള റ​ണ്‍​വേ​യാ​ണ് ക​ണ്ണൂ​ര്‍ വി​മാ​ന​ത്താ​വ​ള​ത്തി​നു​ള്ള​ത്. ടേ​ബി​ള്‍​ടോ​പ്പ് വി​മാ​ന​ത്താ​വ​ള​ങ്ങ​ളാ​യ മം​ഗ​ളൂ​രു, ക​രി​പ്പൂ​ര്‍ എ​ന്നി​വ​യെ​ക്കാ​ള്‍ കൂ​ടു​ത​ല്‍ എ​ളു​പ്പം ഇ​വി​ടു​ത്തെ റ​ണ്‍​വേ​യാ​ണെ​ന്ന് അ​ശ്വി​ന്‍ ന​ നമ്പ്യാ​ര്‍ പ​റ​യു​ന്നു.