കോതമംഗലം: 55 ഗ്രാം ഹഷീഷുമായി ബിഡിഎസ് വിദ്യാർത്ഥിനി പിടിയിൽ.
പത്തനംതിട്ട കോന്നി പ്രമാടം വലിയകാലായിൽ ശ്രുതി(23)യാണ് എക്സൈസ് സംഘം പിടികൂടിയത്. മൂന്നാം വർഷ വിദ്യാർത്ഥിനിയായ ശ്രുതി നെല്ലിക്കുഴിയിൽ പേയിങ് ഗെസ്റ്റായി താമസിച്ചാണു പഠിക്കുന്നത്.
നെല്ലിക്കുഴി കേന്ദ്രീകരിച്ചു വിദ്യാർഥികൾക്കിടയിൽ ലഹരിവസ്തുക്കൾ വിതരണം ചെയ്യുന്നുണ്ടെന്ന രഹസ്യവിവരത്തെത്തുടർന്നു നടത്തിയ അന്വേഷണത്തിലാണു ശ്രുതിയെ പിടികൂടിയത്. തൃശൂർ സ്വദേശിയായ സുഹൃത്ത് വിനുവാണു ലഹരിവസ്തുനൽകിയതെന്ന് ശ്രുതി എക്സൈസിന് മൊഴി നൽകി.
വിനുവിനെ കണ്ടെത്താൻ എക്സൈസ് അന്വേഷണം ആരംഭിച്ചു. ഇയാളെ കണ്ടെത്തിയാൽ ലഹരി മാഫിയയെ സംബന്ധിച്ചു കൂടുതൽ വിവരങ്ങൾ ലഭിക്കുമെന്ന് അന്വേഷണത്തിനു നേതൃത്വം നൽകുന്ന എക്സൈസ് ഇൻസ്പെക്ടർ ടി.ഡി. സജീവൻ പറഞ്ഞു.
Post Your Comments