ചെന്നൈ: വീടിനടുത്ത് കളിച്ചു കൊണ്ടിരുന്ന പത്തുവയസുകാരിയെ പീഡിപ്പിച്ച എസ്‌ഐ അറസ്റ്റില്‍. മാധവരം പോലീസ് സ്റ്റേഷനിലെ സ്‌പെഷ്യല്‍ സബ് ഇന്‍സ്‌പെക്ടറായ വാസുവാണ് പിടിയിലായത്. ചെന്നൈയിലെ വില്ലിവാക്കം ജഗനാഥന്‍ തെരുവിലാണ് സംഭവം നടന്നത്.
ഡ്യൂട്ടി കഴിഞ്ഞ് വീട്ടിലേക്ക് മടങ്ങുന്നതിനിടെയായിരുന്നു പോലീസുകാരന്‍ പിഞ്ചു ബാലികയോട് ഈ അതിക്രമം കാണിച്ചത്. കളിച്ചു കൊണ്ടിരുന്ന കുട്ടിയുടെ അടുത്തേയ്ക്ക് സ്‌നേഹം നടിച്ച് ചെന്ന് ആളൊഴിഞ്ഞ പ്രദേശത്ത് കൊണ്ടുപോയി ക്രൂരപീഡനത്തിന് ഇരയാക്കുകയായിരുന്നു. പീഡനത്തെ തുടര്‍ന്ന് കുട്ടിയുടെ കരച്ചില്‍ കേട്ട നാട്ടുകാര്‍ വാസുവിനെ കയ്യോടെ പിടികൂടുകയായിരുന്നു. മദ്യലഹരിയിലായിരുന്ന ഇയാളെ നന്നായി
കൈകാര്യം ചെയ്ത ശേഷമാണ് നാട്ടുകാര്‍ പോലീസിനു കൈമാറിയത്.
അതേസമയം ഇയാക്കെതിരെ ആദ്യം കേസെടുക്കാന്‍ പോലീസ് തയ്യാറായില്ലെന്ന് നാട്ടുകാര്‍ ആരോപണം ശക്തമായതോടെ അന്വേഷണം പ്രത്യേക സംഘത്തെ ഏല്‍പ്പിച്ചു. അതേസമയം പോലീസുകാര്‍ കുട്ടിയുടെ മാതാപിതാക്കളെ ഭീഷണിപ്പെടുത്തിരുന്നുവെന്നും അതിനാലാണ് പരാതി നല്‍കാന്‍ അവര്‍ വിസമ്മതിച്ചിരുന്നതെന്നും പ്രത്യേക അന്വേഷണസംഘം കണ്ടെത്തി.
Post Your Comments