ഭുവനേശ്വര്‍: ഹോക്കി ലോക കപ്പില്‍ ഇന്നും ഇന്ത്യ കളത്തില്‍ മാറ്റുരക്കും. വീണ്ടും ഒരു വമ്പന്‍ ജയം മുന്നില്‍ കണ്ടുകൊണ്ടുതന്നെ. ഭുവനേശ്വറിലെ രാത്രി ഏഴ് മണിക്കാണ് കളിക്ക് അരങ്ങൊരുങ്ങുന്നത്. കരുത്തരായ ബല്‍ജിയത്തിനോടാണ് ഇന്ത്യ ഇന്ന് എതിരിടേണ്ടത്. ബെല്‍ജിയം ഇപ്പോള്‍ ലോക റാങ്കിങ്ങില്‍ 3 സ്ഥാനത്താണ് നിലയുറപ്പിച്ചിരിക്കുന്നത്. ആദ്യ മല്‍സരത്തില്‍ ദക്ഷിണാഫ്രിക്കയെ ഒറ്റ ഗോളുപോലും കാണിക്കാതെ 5 മറു ഗോളുകള്‍ പായിച്ചാണ് ഇന്ത്യ വിജയം കൊയ്തത്.
ലോക റാങ്കിങ്ങില്‍ അതേ സമയം ഇന്ത്യയുടെ സ്ഥാനം 5 മതാണ്. ലോകകപ്പ് മാച്ചില്‍ ഒളിംപിക് വെങ്കല മെഡല്‍ ജേതാക്കളായ ജര്‍മനി ഏകപക്ഷീയമായ ഒരു ഗോളിന് പാകിസ്ഥാനെ തോല്‍പിച്ചിരുന്നു. നാല് തവണ ലോക ചാംപ്യന്‍മാരായ പാകിസ്ഥാന്‍ നിലവില്‍ പതിമൂന്നാം റാങ്കുകാരാണ്. ജര്‍മനി ലോകറാങ്കിംഗില്‍ ആറാം സ്ഥാനത്തും.
Post Your Comments