കൊച്ചി: സംസ്ഥാനത്ത് ട്രയെിനുകള്‍ വൈകിയോടുന്നു. തിരുവനന്തപുരം ഡിവിഷനില്‍ സിഗ്‌നല്‍ തകരാറായതിനെ തുടര്‍ന്ന് പാളത്തിലെ അറ്റകുറ്റപ്പണികള്‍ വൈകിയതാണ് ഇതിന് കാരണം. നാഗര്‍കോവില്‍- മംഗലാപുരം ഏറനാട് എക്സ്പ്രസ് അഞ്ച് മണിക്കൂര്‍ തിരുവനന്തപുരം- കോഴിക്കോട് ജനശതാബ്ധി എക്സ്പ്രസ് മൂന്ന് മണിക്കൂര്‍, തിരുവനന്തപുരം- ഷൊറണൂര്‍ വേണാട് എക്സ്പ്രസ് രണ്ടര മണിക്കൂര്‍, തിരുവനന്തപുരം -ഖൊരഗ്പുര്‍ രപ്തിസാഗര്‍ എക്സ്പ്രസ് നാലുമണിക്കൂര്‍ എന്നിങ്ങനെയാണ് വൈകിയോടുന്നത്.
ശനിയാഴ്ച രാത്രിയാണ് കൊച്ചുവേളിക്കടുത്ത് സിഗ്‌നല്‍ തകരാറിലായത്. അത് തിരുവനന്തപുരം ഭാഗത്തേക്കുള്ള ട്രെയിനുകള്‍ വൈകാന്‍ കാരണമായിരുന്നു. എന്നാല്‍ ഇതിനെ തുടര്‍ന്ന് പാളം അറ്റകുറ്റപ്പണികള്‍ കൃത്യസമയത്ത് നടത്താനാവാത്തതിനാല്‍ ഞായറാഴ്ച രാവിലെയും തിരുവനന്തപുരം ഡിവിഷനില്‍ ട്രെയിനുകള്‍ വൈകി. അതേസമയം തിരുവനന്തപുരത്തു നിന്നുമെത്തേണ്ട ജനശതാബ്ധി എക്സ്പ്രസ് വൈകുന്നതോടെ കോഴിക്കോടു നിന്നും ഉച്ചക്ക് 1.45 ന് പുറപ്പെടേണ്ട ജനശതാബ്ധി എക്സ്പ്രസും വൈകും.
Post Your Comments