ശബരിമല : അയ്യപ്പഭക്തരോടുള്ള സർക്കാരിന്റെ വെല്ലുവിളി തുടരുന്നു. രാത്രി 11 മണിവരെ മാത്രമേ സന്നിധാനത്ത് അന്നദാനം അനുവദിക്കുകയുള്ളൂ. മാത്രമല്ല എല്ലാ ഹോട്ടലുകളും 11 മണിയോടെ അടയ്ക്കണമെന്നും പൊലീസ് നിർദേശം നൽകിയിട്ടുണ്ട്. മാത്രമല്ല രാത്രിയിൽ അപ്പം,അരവണ കൗണ്ടറുകളും അടച്ചു പൂട്ടണമെന്ന് പൊലീസ് നിർദേശം നൽകിയിട്ടുണ്ട്.
രാത്രിയിൽ സന്നിധാനത്ത് തങ്ങാൻ ആരെയും അനുവദിക്കില്ലെന്ന് കഴിഞ്ഞ ദിവസം ഡിജിപി പറഞ്ഞിരുന്നു. ഈ നിയന്ത്രണം ഭക്തർക്ക് പ്രസാദം വാങ്ങുന്നതിൽ ഏറെ ബുദ്ധിമുട്ടുണ്ടാക്കും. ശബരിമലയിലെ ചടങ്ങുകളെ പോലും ബാധിക്കും വിധത്തിലാണ് സർക്കാരിന്റെ ഉത്തരവും, പൊലീസിന്റെ നിയന്ത്രണങ്ങളുമെന്നാണ് ഭക്തരുടെ ആരോപണം.
അതെ സമയം ശബരിമല സന്നിധാനത്തെ പോലീസ് നിയന്ത്രണങ്ങളില്‍ അതൃപ്തി അറിയിച്ച്‌ ദേവസ്വം ബോര്‍ഡ്. പോലീസ് നിയന്ത്രണങ്ങളില്‍ ഇളവ് ആവശ്യപ്പെട്ടിട്ടുണ്ട്. രാത്രി ഭക്തരെ രാത്രിയില്‍ സന്നിധാനത്ത് തങ്ങാന്‍ അനുവദിക്കാത്തത് ബുദ്ധിമുട്ടുണ്ടാക്കുമെന്നും ബോര്‍ഡ് പ്രസിഡന്‍റ് എ. പദ്മകുമാര്‍ പറഞ്ഞു.
Post Your Comments