തിരുവനന്തപുരം: നാളെ നടക്കുന്ന ഇന്ത്യ വെസ്റ്റ് ഇൻഡീസ് ഏകദിനത്തിനായി കോഹ്ലി അടക്കമുള്ള ഇന്ത്യൻ നിര ഇന്നലെയാണ് കേരളത്തിൽ എത്തിയത്. അവർക്ക് താമസം ഒരുക്കിയിരിക്കുന്നത് കോവളം റാവിസ് ഹോട്ടലിൽ ആണ്. ഇപ്പോൾ കോഹ്ലി കേരളത്തെ കുറിച്ച് ഹോട്ടലിലെ ബുക്കിൽ എഴുതിയ ഒരു കുറിപ്പ് ആണ് പുറത്തു വന്നിരിക്കുന്നത്.
കേരളത്തിൽ വരുന്നതും ഇവിടെ നിന്നും ലഭിക്കുന്ന ഉണർവും ഒരുപാട് ഇഷ്ടപെടുന്നു എന്ന് അദ്ദേഹം പറയുന്നു. കേരളത്തിന്റെ സൗന്ദര്യം ശരിക്കും കാണേണ്ടതാണ്. ഞാൻ എല്ലാവരെയും ദൈവത്തിന്റെ സ്വന്തം നാട്ടിലേക്ക് ക്ഷണിക്കുന്നു. കേരളം തീര്‍ച്ചയായും തിരിച്ചുവരവിന്റെ പാതയിലാണ്. ഇവിടം സന്ദർശിക്കാൻ പൂർണ സുരക്ഷിതത്വം ആണ്. അദ്ദേഹം കുറിപ്പിൽ പറയുന്നു.
കോവളം ലീലാ റാവിസ് ഹോട്ടലിലെ ബുക്കില്‍ സ്വന്തം കൈപ്പടയിലാണ് വിരാട് കോഹ്ലി ഇങ്ങനെ കുറിച്ചത്. തിരുവനന്തപുരത്ത് എത്തിയ ടീമിന് എയർപോർട്ടിലും റാവിസ് ഹോട്ടലിലും വമ്പൻ സ്വീകരണം ആണ് ലഭിച്ചത്.
Post Your Comments