മുംബൈ: നിരോധിക്കപ്പെട്ട ലഹരിമരുന്ന് കൈവശം സൂക്ഷിച്ച പ്രമുഖ നടന്‍ അറസ്റ്റില്‍. തിങ്കളാഴ്ച രാത്രിയാണ് ലഹരിമരുന്ന് കൈവശം സൂക്ഷിച്ച ബോളിവുഡ് നടന്‍ അജാസ് ഖാനെ പോലീസ് അറസ്റ്റ് ചെയ്തത്. ബേലാപൂരിലെ ഹോട്ടല്‍ മുറിയില്‍നിന്നാണ് നവി മുംബൈ പോലീസിന്റെ ലഹരിവിരുദ്ധ വിഭാഗം അജാസിനെ അറസ്റ്റ് ചെയ്തത്.
ഇത് ആദ്യമായല്ല മുന്‍ ബിഗ് ബോസ് മത്സരാര്‍ഥി കൂടിയായ അജാസ് പോലീസിന്റെ പിടിയിലാകുന്നത്. രണ്ടു വര്‍ഷം മുന്പ് സ്ത്രീക്ക് നഗ്‌ന ചിത്രങ്ങള്‍ അയച്ച കേസിലും ഇയാള്‍ അറസ്റ്റിലായിരുന്നു. ബേലാപൂരിലെ ഹോട്ടല്‍ മുറിയില്‍നിന്ന് അറസ്റ്റിലാകുമ്പോള്‍ ഇയാളുടെ കൈവശം എട്ട് എക്സ്റ്റാസി ടാബ്ലറ്റുകള്‍ ഉണ്ടായിരുന്നെന്നു പോലീസ് അറിയിച്ചു. പാര്‍ട്ടി ഡ്രഗായി ഉപയോഗിക്കുന്ന നിരോധിക്കപ്പെട്ട ലഹരിമരുന്നാണ് എക്സ്റ്റാസി.
Post Your Comments