കൊച്ചി: സെലിബ്രിറ്റി ക്രൂയിസിന്റെ ഏറ്റവും പുതിയ നവീകരിച്ച മില്ലേനിയം ക്ലാസ് ആഡംബര കപ്പല്‍ കൊച്ചിയില്‍ നിന്നും പുറപ്പെടുന്നു. സെലിബ്രിറ്റി കോണ്‍സ്റ്റലേഷന്‍ എന്ന് പേര് നല്‍കിയിരിക്കുന്ന കപ്പല്‍ ഡിസംബറില്‍ ആണ് കൊച്ചിയില്‍ നിന്നും വിനോദസഞ്ചാരികളുമായി കപ്പല്‍ പര്യടനത്തിനു പുറപ്പെടുന്നത്. കൊച്ചി കൂടാതെ മുംബൈയില്‍ നിന്നും വിദേശ സഞ്ചാരികള്‍ കപ്പലിലെ യാത്രക്കാരായി ഉണ്ടാകും.
കൊച്ചിയില്‍ നിന്നും പുറപ്പെട്ട് ആറു ദിവസത്തിനു ശേഷവും മുംബൈയില്‍ നിന്നും പുറപ്പെട്ട് എട്ടു ദിവസങ്ങള്‍ക്കു ശേഷവും തിരിച്ചെത്തുന്ന ക്രൂയിസ് ഷിപ് ഇന്ത്യയിലെയും യു എ ഇ യിലെയും വിവിധ തുറമുഖങ്ങള്‍ സന്ദര്‍ശിക്കുകയും കൂടാതെ ദുബായില്‍ രണ്ടു ദിവസവും അബൂദബിയിലും മുംബൈയിലും ഓരോ ദിവസവും രാത്രി തങ്ങുകയും ചെയ്യും.
ഇന്ത്യന്‍ വിഭവങ്ങളും സ്റ്റാന്റേര്‍ഡ് ബിവറേജസും ലഭ്യമാകുന്ന ഭക്ഷണശാലകള്‍, മികച്ച ശബ്ദ-ദൃശ്യാനുഭവം നല്‍കുന്ന ആധുനിക തിയേറ്റര്‍, വിശാലമായ റൂഫ്ടോപ് ലോഞ്ച്, കുട്ടികള്‍ക്കായുള്ള കളിസ്ഥലം, സ്വിമ്മിങ് പൂള്‍, സ്പോര്‍ട്സ് ആന്റ് ഫിറ്റ്നസ് സെന്റര്‍ തുടങ്ങി വിനോദത്തിനുള്ള വിപുലമായ സൗകര്യങ്ങളാണ് കപ്പലില്‍ ഒരുക്കിയിരിക്കുന്നത്.
Post Your Comments