പത്തനം തിട്ട: ഒന്നരക്കിലോ കഞ്ചാവുമായി യുവാവ് അറസ്റ്റില്‍. നിരവധി കേസുകളില്‍ പ്രതിയായ യുവാവാണ് അറസ്റ്റിലായത്. ശബരിമല ഇടത്താവളത്തിന് മുമ്ബില്‍ നിന്നാണ് അപ്പാച്ചി പുരയിടം വീട്ടില്‍ നാഗാ സുരേഷ് എന്ന് വിളിക്കുന്ന അബ്ദുല്‍ സലാം (38) എക്സൈസിന്റെ പിടിയിലായത്. രഹസ്യ വിവരത്തെ തുടര്‍ന്ന് നടത്തിയ അന്വേഷണത്തിനൊടുവിലായിരുന്നു അറസ്റ്റ്.
കഞ്ചാവ് വാങ്ങാനെന്ന വ്യാജേന അന്വേഷണ സംഘം അബ്ദുള്‍ സലാമിനെ വിളിച്ചു വരുത്തുകയായിരുന്നു. പിടിയിലാകുമ്ബോള്‍ ഒന്നേകാല്‍ കിലോ കഞ്ചാവ് ഇയാളുടെ കൈവശം ഉണ്ടായിരുന്നു. തമിഴ്‌നാട്ടിലെ കമ്ബത്തു നിന്ന് വന്‍തോതില്‍ കഞ്ചാവ് കൊണ്ടുവന്ന് ചെറുകിട കച്ചവടക്കാര്‍ക്ക് വില്പന നടത്തി വരുകയായിരുന്നു അബ്ദുല്‍ സലാം. ജില്ലയില്‍ നിരവധി പൊലീസ്, എക്‌സൈസ് കേസുകളിലും എക്‌സൈസുകാരെ ആക്രമിച്ച കേസിലും പ്രതിയാണ്.
Post Your Comments